სახალხო დამცველი - კონტრაქციები და თუნდაც სამართალდამცავი ორგანოების ჩართულობით აქციების დაშლა, შექმნილი ვითარებიდან გამოსავალი არ არის

მიმაჩნია, რომ კონტრაქციები და თუნდაც სამართალდამცავი ორგანოების ჩართულობით აქციების დაშლა, შექმნილი ვითარებიდან გამოსავალი არ არის, - ამის შესახებ სახალხო დამცველმა ნინო ლომჯარიამ განაცხადა. მისი თქმით, მსგავსი დამოკიდებულება, კონტრაქციები და ძალადობრივი დაპირისპირებები კიდევ უფრო ღრმა კრიზისში შეიყვანს ქვეყანას.

„ვფიქრობ, რომ ერთადერთი გამოსავალი არის პოლიტიკური კონსენსუსი პოლიტიკურ პარტიებსა და საზოგადოებას შორის. ამ ეტაპზე ეს კონსენსუსი, ალბათ, მდგომარეობს იმაში, რომ ჩვენ აუცილებლად უნდა ვიფიქროთ, პროპორციულ საარჩევნო სისტემაზე როგორ გადავიდეთ ან სულ მცირე, ვიფიქროთ ისეთ ალტერნატიულ საარჩევნო ვარიაციებსა და მოდელებზე, რომელიც საარჩევნო პროცესს უფრო სამართლიანს გახდის და თანაბარ პირობებში ჩააყენებს, როგორც მმართველ პარტიას, ასევე ოპოზიციურ პარტიებს“, - განაცხადა ნინო ლომჯარიამ.

სახალხო დამცველმა პოლიციელების უმოქმედობის შესახებ ჟურნალისტების მიერ დასმულ კითხვასაც უპასუხა და განმარტა, რომ წლების განმავლობაში იკვეთებოდა სამართალდამცველების რეაგირების ნაკლებეფექტურობა კონტრაქციების მონაწილეების მიმართ.

„ჩვენ ვხედავთ ზოგადად არა მხოლოდ ამ აქციებზე, არამედ სხვა აქციებზეც წლების განმავლობაში, მთელ რიგ შემთხვევებში პოლიციელების ქმედება არ იყო ეფექტური კონტრდემონსტრანტების მიმართ, რომლებიც იყვნენ აგრესიულები და ემუქრებოდნენ მშვიდობიან მოქალაქეებს, რომლებიც სხვადასხვა საკითხებთან დაკავშირებით მართავდნენ აქციებს. როგორც ხედავთ, ასეთ შემთხვევებს ახლაც აქვს ადგილი. სახალხო დამცველი ყველა დაშავებულთან საუბრობს. ჩვენ ვსწავლობთ ამ საქმის გარემოებებს. თუ დავინახავთ, ჩვენი შესწავლისა და შეფასების შედეგად, რომ აქ იყო უმოქმედობა პოლიციელთა მხრიდან ან არასათანადო რეაგირება, რა თქმა უნდა, გამოვიყენებთ შესაბამისი რეაგირების ზომებს“, - განაცხადა ნინო ლომჯარიამ.

იხილეთ ვიდეო:

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 28.01.2020
თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა