გია ვოლსკი - არც ერთ მედიასაშუალებას ელენე ხოშტარიასთვის არ უკითხავს, რატომ მიმართავს ქალისთვის აბსოლუტურად შეუსაბამო და უღირს რიტორიკას

არც ერთხელ, არც ერთ მედიასაშუალებას ელენე ხოშტარიასთვის შეკითხვაც არ დაუსვამს, რატომ მიმართავს არათუ უზრდელობის უმაღლეს დონეს, არამედ ქალისთვის აბსოლუტურად შეუსაბამო და უღირს რიტორიკას, - ასე უპასუხა პარლამენტის პირველმა ვიცე-სპიკერმა გია ვოლსკიმ ჟურნალისტების კითხვას, რამდენად ეთიკურია, როდესაც უმრავლესობის დეპუტატი დიმიტრი სამხარაძე სოციალურ ქსელში უცენზურო განცხადებებს აკეთებს. ვოლსკის თქმით, მას დიმიტრი სამხარაძის ბილწსიტყვაობა არ წაუკითხავს.

„საკმაოდ ჩამოყალიბებული, კარგად ორგანიზებული, პატრიოტი და მცოდნე ადამიანია. დიმიტრი სამხარაძეზე შეტევის საფუძველსაც ვხედავ სწორედ იმ ადამიანებისგან, რომლებიც ბილწსიტყვაობაში მსოფლიო ჩემპიონატი რომ გაიმართოს, პირველ ადგილზე გავლენ, იმდენად ხეპრულ ენას იყენებენ. „მთავარი არხის“ ხელმძღვანელობა მყავს მხედველობაში. არ მგონია, რომ ვინმეს ამ თემასთან დაკავშირებით რამე ჰქონდეს აქეთ შესაკითხი. რაც შეეხება ბილწსიტყვაობას და გინებას დიმიტრი სამხარაძისგან, არ მინახავს.

ერთ-ერთი დეპუტატი გოგოებს იკრებს გარეთ და უბილწესად იგინება. არც ერთხელ, არც ერთ მედიასაშუალებას ელენე ხოშტარიასთვის შეკითხვაც არ დაუსვამს, რატომ მიმართავს არათუ უზრდელობის უმაღლეს დონეს, არამედ ქალისთვის აბსოლუტურად შეუსაბამო და უღირს რიტორიკას. არც ერთხელ ეს შეკითხვა არ დასმულა,"- განაცხადა ვოლსკიმ.

ცნობისთვის, დეპუტატი დიმიტრი სამხარაძე სოციალურ ქსელში „ქართული ოცნების" ოფისთან განვითარებულ მოვლენებს ეხმაურება და წერს, რომ ოპოზიციის გააქტიურება მიხეილ სააკაშვილის „ბრალია”.

დიმიტრი სამხარაძე მიხეილ სააკაშვილს შეურაცხმყოფელი და უცენზურო ლექსიკით მიმართავს, რის გამოც დეპუტატი საზოგადოების გარკვეული ნაწილის კრიტიკის ობიექტი გახდა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა