20 ივნისის აქციის საქმეზე დაკავებული ზურაბ ბუდაღაშვილის ძმა - ზურა ციხეში აუტანელ პირობებში იმყოფება

20 ივნისის აქციის საქმეზე ბრალდებულის, ზურაბ ბუდაღაშვილის ძმის, გიორგი ბუდაღაშვილის განცხადებით, მისი ძმა ციხეში "აუტანელ პირობებში იმყოფება".

როგორც გიორგი ბუდაღაშვილმა თბილისის საქალაქო სასამართლოში ჟურნალისტებს განუცხადა, მის ძმას ციხეში "მონოტონურ ხმას ასმენინებენ" იმ მიზეზით, რომ ფსიქოლოგიურად იმოქმედონ. როგორც ბრალდებულის ძმა ამბობს, ამის მიზეზი ბრალდებულის განცხადებებია.

მისივე თქმით, მისი ძმის დაკავების საქმე "აბსურდის თეატრია, რომელიც უნდა შეწყდეს".

"ყოველ დღე ვუყურებთ ჩვენი ოჯახის წევრებზე ზეწოლას და ნადირობას. არ არსებობს სახლიდან გარეთ გავიდე და 2-3 მანქანა არ შევნიშნო, რომელიც მთელი დღის განმავლობაში არ მცილდება. არ მალავენ, ხილულად დამყვებიან და არც ცდილობენ, რომ ან შეინიღბონ ან როგორმე თავი დაიფარონ. მანიშნებენ იმას, რომ ყოველთვის ყურადღების ქვეშ ვარ, თუმცა სათვალთვალო არაფერი მაქვს. რაც შეეხება ჩემს ძმას, ის ძალიან მძიმე, აუტანელ პირობებში იმყოფება. შეზღუდული აქვს ტელევიზორი, რადიო, აბაზანა. საკანში, სადაც ახლა გადაიყვანეს, არის მონოტონური ხმა და ვფიქრობ, რომ ეს ხმა სპეციალურადაა, იმისათვის, რომ ფსიქოლოგიურად გატეხონ. ევროპაშიც ვყოფილვარ და იქ იყო ასეთი ციხეები. გამიგონია, რომ „ფსიქოლოგიურ ციხეს“ ეძახდნენ", - განაცხადა გიორგი ბუდაღაშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)