მიხეილ კალანდიას ადვოკატი - ვწუხვარ, რომ დარბაზში პრესას არ უშვებენ და ასევე, დღეს სხდომას არ ესწრებოდა ზაზა სარალიძე, რათა პირადად მოესმინა ინფორმაცია, რომელსაც მოწმეები სასამართლოს აწვდიან

ხორავას ქუჩაზე დავით სარალიძის ჯგუფურად განზრახ მკვლელობის ბრალდებით დაკავებული მიხეილ კალანდიას საქმის პროკურორი, ბესიკ ქვარცხავა აცხადებს, რომ კალანდიას მამამ და ძმამ სასამართლოში დაკითხვაზე უარი განაცხადეს.

„დღევანდელ სხდომაზე გამოძახებული იყო ორი მოწმე, ესენი გახლდნენ ბრალდებულ მ.კ.-ს მამა და ძმა, რომლებმაც სასამართლოს უარი განუცხადეს ჩვენების მიცემაზე იმ მოტივით, რომ საქმეში მათი ახლო ნათესავი ფიგურირებს.

დღეს დაკითხული სხვა მოწმეები დანაშაულის ჩადენის მონაკვეთში შემთხვევის ადგილზე იმყოფებოდნენ. მათ სასამართლოს მიაწოდეს ინფორმაცია იმ ფაქტობრივი გარემოებების შესახებ, რაც მათ დაინახეს დანაშაულის დაწყებიდან დასრულებამდე. აღნიშნული მოწმეები ხორავას #4-ში იმყოფებოდნენ, ერთ-ერთი 51-ე სკოლის საპირფარეშოშიც იმყოფებოდა, როცა ინციდენტი განვითარდა“, - განაცხადა ქვარცხავამ.

მიხეილ კალანდიას ადვოკატის, ზურაბ თოდუას განცხადებით, დღეს დაკითხულმა მოწმეებმა სასამართლოს მნიშვნელოვანი ინფორმაცია მიაწოდეს, თუმცა, აღნიშნული არანაირ კავშირში არ არის მიხეილ კალანდიას ბრალეულ ქმედებასთან მიმართებაში.

„ვწუხვარ, რომ დარბაზში პრესას არ უშვებენ და ასვე, დღევანდელ სხდომას არ ესწრებოდა ზაზა სარალიძე, რათა პირადად მოესმინა ინფორმაცია, რომელსაც მოწმეები სასამართლოს აწვდიან. მოწმემ, რომელიც საპირფარეშოს ინციდენტში ყველაზე მთავარი ფიგურანტი იყო, დღეს განაცხადა შემდეგი რამ: როცა დაპირისპირებული მხარეები შეარიგა, ამის შემდეგ სრულიად მოულოდნელად გამოჩნდა დავით სარალიძე, რომელმაც ერთ-ერთ მონაწილეს ხმის ტონალობა დაუწუნა. ამას აჰყვა მეორე მხარეც. მოწმემ განაცხადა, რომ ის ეცადა სარალიძის მოქმედება შეეჩერებინა, ამ დროს მას სახის არეში დავით სარალიძის მოქნეული მუშტი მოხვდა, რის გამოც თვალებში დაუბნელდა და რა მოხდა, აღარ ახსოვს", - განაცხადა თოდუამ.

შემდეგი სასამართლო სხდომა 6 დეკემბერს, 14:00 საათზე გაიმართება.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა