სამედიცინო უნივერსიტეტის სტუდენტები ჯანდაცვის სამინისტროსთან, რეზიდენტურის გამოცდის ჩასაბარებლად გადასახადის დაწესებას აპროტესტებენ

სამედიცინო უნივერსიტეტის სტუდენტები ჯანდაცვის სამინისტროსთან შეიკრიბნენ. მათი თქმით, რეზიდენტურის გამოცდა, რომელიც აქამდე უფასო იყო, 80 ლარი გახდა და ამას აპროტესტებენ.

როგორც თბილისის სახელმწიფო სამედიცინო უნივერსიტეტის სტუდენტური თვითმმართველობის პრეზიდენტმა, ანა კაკაბაძემ "ინტერპრესნიუსს" განუცხადა, განათლებისა და ჯანდაცვის სამინისტროების წარმომადგენლებთან დღევანდელ შეხვედრაზე მიიღეს შეთავაზება, რომ ეს თანხა განახევრდებოდა, რაზეც სტუდენტებმა უარი განაცხადეს. მისივე თქმით, სტუდენტებმა რეზიდენტურაზე ჯერ რეგისტრაცია გაიარეს და შემდეგ გახდა ის ფასიანი, რაც მიუღებელი.

"რეზიდენტურის გამოცდა იყო უფასო ამდენი წლის განმავლობაში. რეზიდენტურის გამოცდაზე რეგისტრაცია დასრულდა წინა კვირას, როდესაც რეგისტრაცია დასრულდა, მას შემდეგ პოსტი დაიწერა და ამ პოსტის საშუალებით გავიგეთ, რომ თურმე გამოცდაზე დასაშვებად კონკრეტულ ანგარიშზე ფული უნდა ჩავრიცხოთ და ქვითრები წარვადგინოთ. რა თქმა უნდა, ეს ფაქტი ჩვენთვის ამორალურია და ვემიჯნებით ამას. ჩვენ დავრეგისტრირდით გამოცდაზე, რომელიც უფასო იყო და რეგისტრაციის გავლის შემდეგ გავიგეთ, რომ უნდა გადავიხადოთ თანხა. ამას გავაპროტესტებთ", - განაცხადა მან.

აქციის მონაწილეები სამინისტროებს 1 დღეს აძლევენ და საინიციატივო ჯგუფის შექმნას ითხოვენ. ასევე, ითხოვენ, ამ პროცესში სტუდენტების ჩართვას.

ამასთან, როგორც აქციის მონაწილეები აცხადებენ, მათ ჯანდაცვის სამინისტროს პრესსამსახურმა უთხრა, რომ რეგულირების სააგენტოს წარმომადგენელი მათთან შეხვედრას არ აპირებს, რადგან ის ამბობს, რომ შეხვედრა უკვე გაიმართა.

აქციის მონაწილეების განცხადებით, ისინი ყოველ დღე, 17:00 საათზე ჯანდაცვის სამინისტროსთან შეიკრიბებიან, ვიდრე მათი მოთხოვნები არ დაკმაყოფილდება.

იხილეთ ვიდეო

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია