საქართველოში ევროსაბჭოს ოფისის ხელმძღვანელი, კრისტიან ურსე მიესალმება ოპოზიციასა და ხელისუფლებას შორის გამართულ მოლაპარაკებებს საარჩევნო სისტემასთან დაკავშირებით.
მისი თქმით, ძალიან მნიშვნელოვანია, რომ არსებობს დიალოგის გაგრძელების პერსპექტივა.
„ჩვენ გვქონდა მნიშვნელოვანი დიალოგი, სადაც მოხდა მოსაზრებების და შეთავაზებების გაცვლა-გამოცვლა. საბოლოოდ კარგია, რომ შეხვედრა გაიმართა და ძალიან მნიშვნელოვანია, რომ არსებობს დიალოგის გაგრძელების პერსპექტივა“, -განაცხადა ურსემ.
მისივე თქმით, პოზიტიური ნაბიჯია, რომ საქართველო პროპორციულ არჩევნებზე გადავა და ეს კონსტიტუციაშიც არის ასახული.
„ამ ეტაპზე, ჩვენ ფოკუსირებული ვართ 2020 წლის არჩევნებზე და დიალოგზე“, - განაცხადა ურსემ.