ბიუროს გადაწყვეტილებით, 2024 წლიდან მაჟორიტარულ საარჩევნო სისტემაზე გადასვლასთან დაკავშირებით საინიციატივო ჯგუფის განცხადება საპროცედურო საკითხთა და წესების კომიტეტს დასკვნისთვის გადაეცემა. კომიტეტზე განხილვის შემდეგ, საინიციატივო ჯგუფს სპეციალური ფორმები გადაეცემათ, რის შემდეგაც აღნიშნული ჯგუფი მოქალაქეების ხელმოწერების შეგროვებას დაიწყებს.
შეგახსენებთ, რომ კონსტიტუციური კანონის პროექტის ინიცირებისთვის საჭიროა 200 000 მოქალაქის ხელმოწერა.
საინიციატივო ჯგუფის წევრები არიან: ვიქტორ ჯაფარიძე, დაჩი ბერაია, მიხეილ ყაველაშვილი, დიმიტრი ხუნდაძე, გურამ მაჭარაშვილი, გოგა გულორდავა, ცოტნე ზურაბიანი, სავალან მირზოევი, რომან მუჩიაშვილი, გოგი მეშველიანი, მერაბ ქვარაია.