ჩვენ მოვუწოდებთ რუსეთს, რომ შეასრულოს 2008 წლის ცეცხლის შეწყვეტის შეთანხმება, - ამის შესახებ საქართველოში ამერიკის შეერთებული შტატების ელჩის მოვალეობის შემსრულებელმა, ელიზაბეთ რუდმა განაცხადა. ამით რუდი გამოეხმაურა აშშ-ის წარმომადგენელთა პალატის მიერ 339 ხმით, 71 ხმის წინააღმდეგ კონგრესმენ ალბიო საირესის მიერ წარდგენილი რეზოლუციის დამტკიცებას, რომელიც გულისხმობს რუსეთის „დიდი შვიდეულის“ ჯგუფში არდაშვებას, მანამდე, ვიდრე იგი პატივს არ სცემს მისი მეზობლების ტერიტორიულ მთლიანობას და არ იქნება დემოკრატიული საზოგადოებების სტანდარტების ერთგული.
„რეზოლუციის დეტალებზე ვერ მოგახსენებთ, თუმცა ცხადია, რომ რუსეთი არ იზიარებს იმ ღირებულებებს, რაც აქვთ „დიდი შვიდიანის“ ფორმატის წევრებს და მათ შორის არის აფხაზეთისა და "სამხრეთ ოსეთის" ოკუპაცია რუსეთის მიერ, რაც დიდი ხანია გრძელდება.
ჩვენ მოვუწოდებთ რუსეთს, რომ შეასრულოს 2008 წლის ცეცხლის შეწყვეტის შეთანხმება, დააბრუნოს საკუთარი სამხედრო ძალები კონფლიქტამდე არსებულ ტერიტორირებზე და ნება დართოს ჰუმანიტარული დახმარების წვდომას რეგიონებში", - განაცხადა ელიზაბედ რუდმა.