მოძრაობა "გაბედეს" წევრებმა პარლამენტის ადამიანის უფლებათა დაცვის კომიტეტის თავმჯდომარის სოფო კილაძის სამაჟორიტარო ბიურო დატოვეს.
აქციის მონაწილეებს ბიუროს თანამშრომელი შეხვდა, რომელმაც უთხრა, რომ საკონტაქტო ინფორმაციას დაიტოვებს და სოფიო კილაძე მათ ნებისმიერ დღეს შეხვდება. ამ პირობით მათ მიმდებარე ტერიტორია დატოვეს.
ბიუროს თანამშრომლის ინფორმაციით, სოფო კილაძე აქციის დროს პარლამენტში იმყოფებოდა და სწორედ ამ მიზეზით, მათ ვერ შეხვდებოდა.
"გაბედეს" წევრები აცხადებენ, რომ კილაძისთვის რამდენიმე შეკითხვის დასმა სურთ, მათ შორის რატომ არ იღებს ხმას, როდესაც სხვადასხვა რეგიონში აქტივისტებს ფიზიკურად უსწორდებიან და რატომ არ მოსწონს პროპორციული საარჩევნო სისტემა.
ტერიტორიაზე აქციის პარალელურად 20-მდე სამართალდამცველი იყო მობილიზებული.