„ნაცმოძრაობის“, „ევროპული საქართველოსა“ და „რესპუბლიკური პარტიის“ წევრებისგან შემდგარი დელეგაცია აშშ-ში გაემგზავრება

„ნაციონალური მოძრაობის“, „ევროპული საქართველოსა“ და „რესპუბლიკური პარტიის“ წევრებისგან შემდგარი დელეგაცია ხვალ ამერიკის შეერთებულ შტატებში გაემგზავრება. ამის შესახებ რუსთაველის მოედანზე გამართულ ბრიფინგზე პარტია „ევროპული საქართველოს" წევრებმა ელენე ხოშტარიამ და „ნაციონალური მოძრაობის“ წევრებმა სალომე სამადაშვილმა და ხატია დეკანოიძემ ისაუბრეს.

მათი ინფორმაციით, დელეგაცია ამერიკის ყველა შესაბამის ინსტიტუციას ეწვევა და 4-5 დღის განმავლობაში შეეცდებიან გააქტიურდეს სტრატეგიული მოკავშირეების ჩართულობა, რათა ქვეყანა „პოლიტიკური კრიზისიდან გამოვიდეს".

„იმის გათვალისწინებით, რომ ქვეყანაში პოლიტიკური კრიზისი ყოველდღიურად მძიმდება და ბიძინა ივანიშვილი არ იჩენს პოლიტიკურ ნებას, დაიწყოს მოლაპარაკებები კრიზისიდან გამოსავლის მოსაძებნად, ჩვენ გადავწყვიტეთ გავემგზავროთ ვიზიტით აშშ-ში. ხვალ საქართველოდან სხვადასხვა პარტიების გაერთიანებული დელეგაცია გაემგზავრება ვაშინგტონში, ოფიციალური ვიზიტით. ჩვენ შეხვედრები გვექნება ამერიკის ყველა შესაბამის ინსტიტუტში, როგორც კონგრესში და სენატში, ასევე აღმასრულებელ ხელისუფლებასთან, არასამთავრობო ორგანიზაციებთან და 4-5 დღის მანძილზე შევეცდებით, რომ კიდევ უფრო გააქტიურდეს ჩვენი სტრატეგიული მოკავშირეების ჩართულობა, რათა ქვეყანა გამოვიდეს ამ პოლიტიკური კრიზისიდან. ჩვენი გზავნილი, რომელიც მიგვაქვს ვაშინგტონში, არის გზავნილი ქართველი ხალხის და იმ ადამიანების, რომლებთან ერთადაც ჩვენ ყოველდღე ვცდილობთ დავიცვათ დემოკრატია. დელეგაციაში იქნებიან როგორც „ნაციონალური მოძრაობის“, ასევე „ევროპული საქართველოსა“ და „რესპუბლიკური პარტიის“ წარმომადგენლები“, - განაცხადა სალომე სამადაშვილმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“