იაპონიაში დააკავეს 71 წლის მამაკაცი, რომელმაც ერთ-ერთ სატელეფონო კომპანიას 24 000- ჯერ დაურეკა.
CNN-ის ცნობით, აკიტოში ოკამოტო KDDI Corporation-ის მომხმარებელთა მომსახურების დეპარტამენტს სთხოვდა, რეაგირება მოეხდინათ კომპანიის მიერ მასთან გაფორმებული კონტრაქტის დარღვევის გამო.
კომპანიაში აცხადებენ, რომ 2017 წლის მაისიდან მოყოლებული, მამაკაცმა კომპანიაში 24 000 ზარი განახორციელა. მათივე ცნობით, იძულებული გახდნენ, პოლიციისთვის მიემართათ.
იაპონიური მედიის ცნობით, მამაკაცი თვლიდა, რომ კორპორაციამ კონტრაქტი დაარღვია, რადგან ის ვერ ახერხებდა რადიო შოუში დარეკვას იმ ტელეფონის ნომრიდან, რომელიც აღნიშნულ კომპანიაში აიღო.
გამოძიება ოკამოტოს „ბიზნესის თაღლითური გზით შეფერხებას“ ედავება.