ინფრასტრუქტურის სამინისტროში მაღალმთიან დასახლებებში მცხოვრები მეწარმე სუბიექტებისთვის მიღებულ ახალ რეგულაციებს პოზიტიურად აფასებენ

რეგიონული განვითარებისა და ინფრასტრუქტურის სამინისტროს რეგიონული და მთის განვითარების დეპარტამენტის უფროსის, გიორგი დიდიძის განცხადებით, საქართველოს მთავრობის დადგენილებით მაღალმთიან დასახლებებში საწარმოს სტატუსის მქონე მეწარმე სუბიექტებისთვის, რომლებიც კანონის შესაბამისად სარგებლობენ გარკვეული საგადასახადო შეღავათებით მნიშვნელოვანი დაზუსტება მოხდა.

მისივე თქმით, ეს გადაწყვეტილება ხელს შეუწყობს მაღალმთიან რეგიონებში მეწარმეობის განვითარებას, სამუშაო ადგილების შექმნას, დამატებითი შემოსავლების ზრდას და ეკონომიკური აქტივობების სტიმულირებას.

როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, საკანონმდებლო ცვლილების შედეგად, მაღალმთიანი დასახლების საწარმოს სტატუსის მქონე პირს უფლება ექნება, მის მიერ წარმოებული და გადამუშავებული პროდუქციის რეალიზაცია მოახდინოს არა მხოლოდ მაღალმთიანი დასახლების, არამედ ქვეყნის ნებისმიერ ტერიტორიაზე, ასევე გაიტანოს ექსპორტზე და ეს არ გამოიწვევს მისთვის მინიჭებული სტატუსის შეწყვეტას, სტატუსის მინიჭებაზე დაინტერესებული პირის შემთხვევაში კი - მაღალმთიანი საწარმოს სტატუსის მინიჭებაზე უარის თქმას.

„ესაა მთის რეგიონების განვითარების ლოგიკური გაგრძელება, რომელიც მიზნად ისახავს მაღალმთიან დასახლებებში მდგრად განვითარებას, საქონლისა და მომსახურების ეფექტიან მიწოდებას, სამეწარმეო საქმიანობისთვის მიმზიდველი გარემოს ჩამოყალიბებას. ეს დაზუსტება ხელს შეუწყობს მეწარმეების პროდუქციის რეალიზაციას დედაქალაქსა და ქვეყნის სხვა რეგიონებში, წაახალისებს ქართული პროდუქციის გატანას ექსპორტზე, რაც მნიშვნელოვანია ადგილობრივი მოსახლეობის სოციალურ-ეკონომიკური მდგომარეობის გაუმჯობესებისა და ცხოვრების ღირსეული პირობების შექმნისთვის“, - აღნიშნა გიორგი დიდიძემ.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება