სოფო კილაძე - შეიძლება ოპოზიციას არ სჯერა ან არ უნდა დაიჯეროს, მაგრამ ჩვენ გადაწყვეტილებას ყოველთვის დემოკრატიულად ვიღებთ

მე არ მგონია, სრულად მაჟორიტარულ სისტემაზე გადასვლის შესახებ ჩემი რამდენიმე კოლეგის ინიციატივას ექნება მხარდაჭერა იმიტომ, რომ დიდმა ნაწილმა ბოლო კენჭისყრის დროს მხარი დაუჭირა სწორედ პროპორციულ სისტემას 2020 წლის არჩევნებისთვის, - ასე გამოეხმაურა ადამიანის უფლებათა დაცვის კომიტეტის თავმჯდომარე სოფო კილაძე დეპუტატების ნაწილის ინიციატივას, სრულად მაჟორიტარულ სისტემაზე გადასვლასთან დაკავშირებით.

მისი განცხადებით, უმრავლესობის წევრები ყოველთვის დემოკრატიულად იღებენ გადაწყვეტილებას.

„უმრავლესობის სხდომებზე ჩვენ განვიხილავთ სხვადასხვა ინიციატივებს და საკითხებს. შეიძლება ოპოზიციას ეს არ სჯერა ან არ უნდა დაიჯეროს, მაგრამ ჩვენ გადაწყვეტილებას ყოველთვის დემოკრატიულად ვიღებთ და თითოეულ წევრს აქვს თავისი აზრის დაფიქსირების შესაძლებლობა. ამ შემთხვევაში, მე არ მგონია, რომ ჩემი რამდენიმე კოლეგის ამ ინიციატივას ექნება მხარდაჭერა იმიტომ, რომ დიდმა ნაწილმა ბოლო კენჭისყრის დროს მხარი დაუჭირა სწორედ პროპორციულ სისტემას 2020 წლის არჩევნებისთვის.

2024 წლის არჩევნებისთვის ჩვენ ისედაც მივიღეთ გადაწყვეტილება, რომ მთლიანად გადავიდეთ პროპორციულ სისტემაზე საკონსტიტუციო ცვლილებების ფარგლებში და ამიტომ, არ მგონია, რომ ამ ინიციატივას ჰქონდეს საკონსტიტუციო უმრავლესობის მხარდაჭერა”,- განაცხადა კილაძემ.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება