გიორგი მარგველაშვილი - ვხედავ ხელისუფლების სრული უსუსურობის და ამ უსუსურობის ფონზე მისი სისუსტის საფრთხეს, რომელიც  ექსცესებამდე მიგვიყვანს

ვხედავ საფრთხეს ხელისუფლების სრული უსუსურობის, ამ უსუსურობის ფონზე ხელისუფლების სისუსტის, რომელიც რაღაც ექსცესებამდე მიგვიყვანს, - ამის შესახებ საქართველოს ექს-პრეზიდენტმა გიორგი მარგველაშვილმა განაცხადა, რითაც უპასუხა საპროტესო აქციებზე ხელისუფლების და ოპოზიციის მომხრეებს შორის დაპირისპირების თაობაზე დასმულ კითხვას.

გიორგი მარგველაშვილი პროცესებს ხელისუფლების გამოუცდელობას უკავშირებს.

"ის ხალხი, ვინც დღეს ხელისუფლებაშია, პოლიტიკაში არამცთუ ყოფილა, სამწუხაროდ, პროცესებს არ აკვირდებოდნენ ტელევიზიითაც კი. მათ ტელევიზიით მაინც რომ ენახათ, რამდენჯერ ყოფილა საქართველოში ასეთი კონტრაქციები, ასეთი დაპირისპირება და რომ ეს იყო ერთმნიშვნელოვნად ნიშანი, რომ ამის მერე საზოგადოების სრული გაუცხოება ხდება ხელისუფლებასთან, ეცოდინებოდათ, რომ ამის გაკეთება ძალიან საშიშია, როგორც ქვეყნისთვის, ასევე მათთვის პირადად. ვხედავ ხელისუფლების სრული უსუსურობის საფრთხეს, ამ უსუსურობის ფონზე ხელისუფლების სისუსტეს, რომელიც რაღაც ექსცესებამდე მიგვიყვანს, რომელიც შეიძლება არასასიამოვნო იყოს, თუმცა სამოქალაქო დაპირისპირების საფრთხეს ვერ ვხედავ", - განაცხადა მარგველაშვილმა.

იხილეთ ვიდეო

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში