პენტაგონი, ირანთან დაძაბულობის ფონზე, ახლო აღმოსავლეთში დამატებითი ჯარების გადასროლას აპირებს. ამის შესახებ CNN-ს თავდაცვის მაღალჩინოსნებმა განუცხადეს.

მათი ცნობით, განიხილება რეგიონში 4 000-7 000 ამერიკელი სამხედროს გაგზავნა.

„ირანის სარაკეტო სისტემები წარმოადგენს საფრთხეს ერაყში განთავსებული ამერიკული ჯარებისთვის, ისევე როგორც საუდის არაბეთისთვის“, - აცხადებს წყარო.

როგორც გუშინ გახდა ცნობილი, ამერიკის დაზვერვის სააგენტოებმა ბოლო დროს ირანის მოკლე მანძილისთვის განკუთვნილი ბალისტიკური რაკეტების ერაყში საიდუმლოდ გადატანის ფაქტები დააფიქსირეს.