„ასოშიეითიდ პრესის“ ინფორმაციით, შეერთებული შტატების პრეზიდენტის იმპიჩმენტის საკითხთან დაკავშირებით, თეთრ სახლს ახალი სტრატეგია აქვს: ის აღიარებს იმ რეალობას, რომ წარმომადგენელთა პალატამ შესაძლოა, დონალდ ტრამპის იმპიჩმენტი მოახდინოს.
გუშინ აშშ-ის პრეზიდენტმა „ტვიტერის“ საკუთარ გვერზე დაწერა, ამერიკის სენატში „სამართლიანი“ პროცესი გაიმართება.
„ისინი [„დემოკრატები“] ამცირებენ ჩვენს ქვეყანას. არაფერი ადარდებთ, გაგიჟდნენ. თუ ჩემს იმპიჩმენტს აპირებთ, დროზე მოახდინეთ, ახლავე. შემდეგ ჩვენ გვექნება სამართლიანი პროცესი სენატში, რათა ჩვენი ქვეყანა დაუბრუნდეს საქმიან ცხოვრებას“,-აცხადებს ტრამპი.
ამერიკის პრეზიდენტის იმპიჩმენტის პროცედურის დაწყების მიზეზი დონალდ ტრამპისა და მისი უკრაინელი კოლეგის სატელეფონო საუბარი გახდა, სადაც დონალდ ტრამპმა ვლადიმირ ზელენსკის თავისი მეტოქის, ჯო ბაიდენის ოჯახის წინააღმდეგ გამოძიების დაწყება სთხოვა.