ლევან ახვლედიანი - საქართველოს ორი ღრმაწყლოვანი პორტი არ სჭირდება, ამისთვის საკმარისი ბაზარი და მოთხოვნა არ არსებობს

საქართველოს ორი ღრმაწყლოვანი პორტი არ სჭირდება, ამისთვის საკმარისი ბაზარი და მოთხოვნა არ არსებობს, - ამის შესახებ "ანაკლიის განვითარების კონსორციუმის" გენერალურმა დირექტორმა ლევან ახვლედიანმა განაცხადა.

"ინტერპრესნიუსის" კითხვაზე, აფერხებს თუ არა ანაკლიის პორტის პოტენციურ ინვესტორებს ის ფაქტი, რომ "ეიპიემ ტერმინალს ფოთი“ ფოთში ახალი ღრმაწყლოვანი პორტის მშენებლობას აანონსებს, ახვლედიანი აცხადებს, რომ საქართველოს მთავრობამ კონსტიტუციაში შეიტანა ანაკლიის პორტი და ამით არჩევანი მის სასარგებლოდ გააკეთა.

„ანაკლიის ღრმაწყლოვანი პორტი კონსტიტუციაშია შეტანილი, აქედან გამომდინარე, საქართველოს მთავრობამ არჩევანი ანაკლიის პორტზე გააკეთა. ვფიქრობ, ანაკლია ის პროექტია, რომელიც ჩვენს ქვეყანას სჭირდება, შესაბამისად, მთავრობამ სწორი არჩევანი გააკეთა", - აცხადებს ახვლედიანი.

მისივე თქმით, ის პროგნოზები, რაც კონსორციუმს საქართველოს სატრანსპორტო დერეფანთან დაკავშირებით ჰქონდა, 20-30%-ით ნაკლებია დღეს არსებულზე და საქართველოს საპორტო ინფრასტრუქტურა მოთხოვნას ვეღარ აკმაყოფილებს.

"ანაკლიის პორტის პროექტი მზადაა სამშენებლო სამუშაოების დასაწყებად. ძალიან ცოტაა დარჩენილი იმისთვის, რომ პროექტი წარმატებით განხორციელდეს. ანაკლიის პროექტი კომერციულად გამართლებულია და დღესდღეობით ამ პორტის აშენება საქართველოსთვის სასიცოცხლოდ მნიშვნელოვანია,"-აცხადებს კონსორციუმის დირექტორი.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა