გიგა ბოკერია - 14 დეკემბერს დანიშნული აქცია იქნება „ქართული ოცნების“ ჩამოქცევის აქცია

14 დეკემბერს დანიშნული აქცია იქნება მათი ჩამოქცევის აქცია, - ასე შეაფასა „ევროპული საქართველოს“ ერთ-ერთმა ლიდერმა გიგა ბოკერიამ „ქართული ოცნების“ ახალგაზრდული ორგანიზაციის მიერ თბილისში დაგეგმილი მასშტაბური შეკრება.

გიგა ბოკერიამ ქუთაისში მმართველი გუნდის მხარდამჭერების მიერ მათ წინააღმდეგ განხორციელებულ პროვოკაციებზეც ისაუბრა.

„არანაირი პროვოკაცია არ გამიკვირდება აგონიაში მყოფი ივანიშვილისგან და მისი „კლოუნებისგან“, ოღონდ მათთვის სჯობს, რომ პროვოკაციები არ დაგეგმონ, იმიტომ, რომ ყველა ასეთი ნაბიჯი ერთი ათად დაუბრუნდებათ“, - განაცხადა ბოკერიამ.

ცნობისთვის, „ქართული ოცნების“ ახალგაზრდული ორგანიზაცია 14 დეკემბერს, თბილისში მასშტაბურ შეკრებას გეგმავს. ამის შესახებ „ქართული ოცნების“ ახალგაზრდული ორგანიზაციის ხელმძღვანელმა გიორგი ჩაკვეტაძემ პარტიის ოფისში გამართულ ბრიფინგზე განაცხადა.

მან ოპოზიციას მოუწოდა, რომ თავი შეიკავოს დესტრუქციული ქმედებისგან და ხელი არ შეუშალოს ამ ღონისძიებას.

„გვსურს წინასწარ გაცნობოთ, 14 დეკემბერს, შაბათს, ჩვენი ორგანიზებით მასშტაბური შეკრება გაიმართება, რომელიც ევროსაბჭოს თავმჯდომარეობასთან დაკავშირებით მიმდინარე საზეიმო კვირეულს შეაჯამებს. ამ დღის აღსანიშნავად, რა თქმა უნდა, ჩვენი თანაგუნდელები, თანატოლები რეგიონებიდანაც შემოგვიერთდებიან და ყველა ხარჯს უზრუნველყოფს საორგანიზაციო ჯგუფი. ბუნებრივია, ყველა მოქალაქეს, ვისთვისაც აღნიშნული მოვლენა მნიშვნელობას ატარებს და მხარს უჭერს „ქართულ ოცნებას“, მის ევროპულ კურსს, შეუძლია შემოგვიერთდეს“, - განაცხადა ჩაკვეტაძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან