გია ვოლსკი - გუნდში  დამოკიდებულება არანაირად არ ქმნის იმის იმედსაც კი, რომ უმრავლესობა გაიხლიჩება

მმართველ გუნდში კრიზისთან დაკავშირებით, ჩვენ ვერ გავახარებთ ვერავის, გუნდში დამოკიდებულება არანაირად არ ქმნის იმის იმედსაც კი, რომ უმრავლესობა გაიხლიჩება, - ამის შესახებ პარლამენტის პირველმა ვიცე-სპიკერმა გია ვოლსკიმ მედიას განუცხადა.

ვოლსკიმ საარჩევნო სისტემის თაობაზე მაჟორიტარების ინიციატივაზეც ისაუბრა და აღნიშნა, რომ მას კატეგორიულად არ მიაჩნია სწორად ე.წ. ამერიკული მოდელი.

მისივე თქმით, მართველ გუნდს სხვადასხვა საკითხებზე განსხვავებული პოზიციები ახასიათებს, თუმცა დღეს ისინი "ქვეყანას ვერ გაწირავენ და გუნდის გახლეჩვა მიუღებელია".

"მმართველ გუნდში კრიზისთან დაკავშირებით, ჩვენ ვერ გავახარებთ ვერავის. მმართველ გუნდს ყოველთვის ახასიათებდა გარკვეულ თემებზე მწვავე კამათი, მაგრამ ეს ის შემთხვევაა, როდესაც ჩვენ ვერ გავწირავთ ქვეყანას. გუნდის გახლეჩვა და მთავრობის დატოვება პრაქტიკულად უმრავლესობის გარეშე და შემდეგ დამატებითი პრობლემები ჩვენი ხალხის კისერზე, ჩვენთვის მიუღებელია. ფორმა და დამოკიდებულება ერთმანეთშიც არანაირად არ ქმნის იმის იმედსაც კი(ზოგს აქვს ასეთი იმედი)რომ უმრავლესობა გაიხლიჩება და ამას დავადასტურებთ ძალიან მალე", - განაცხადა ვოლსკიმ.

მისივე თქმით, ქვეყანას კონსტიტუციით აქვს განსაზღვრული, რომ 2024 წლიდან საარჩევნო სისტემა პროპორციულ საარჩევნო მოდელზე გადადის. მისი განცხადებით, 2024 წელს ახალი თაობის პოლიტიკოსების იმედი აქვს.

"კატეგორიულად არ მგონია, რომ საქართველოსთვის სწორი იყოს ე.წ. ამერიკული მოდელი. აშშ-მა პოლიტიკური ცხოვრების მთელი ისტორია შექმნა და ასევე მაჟორიტარული სისტემა მართვის ფორმებთან არის დაკავშირებული, სადაც საპრეზიდენტო მართვის ფორმაა და მთელი რიგი სახელმწიფო უწყებები არის ერთ სისტემაში მოქცეული. ეს საქართველოსთვის ადვილად გასაკეთებელი არ იქნება, სჭირდება სახელმწიფო სისტემის მართვის ცვლილება. არის მეორე საკითხიც, 2024 წელს ჩვენ კონსტიტუციაში ჩავწერეთ, რომ პროპორციული არჩევნები არის მისაღები. პროპორციული არჩევნები კონსტიტუციურ ნორმად იმიტომ ვაქციეთ, რომ ახალი თაობის პოლიტიკური პარტიების იმედი გვაქვს, რომლებიც დაპირისპირების მიუხედავად, მშვიდობას მოუტანენ ქვეყანას და კოალიციური პასუხისმგებლობა, რაც დღეს როგორც ჩანს შეუძლებელია, ქვეყნის წინაშე ექნებათ", - განაცხადა ვოლსკიმ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა