დღეს საქართველოს პრეზიდენტის სასახლეში ელჩების მიერ რწმუნებათა სიგელების გადაცემის ცერემონია გაიმართა.
როგორც „ინტერპრესნიუსს“ საქართველოს პრეზიდენტის პრესსამსახურიდან აცნობეს, სალომე ზურაბიშვილს სლოვაკეთის ელჩმა პაველ ვიზდალმა და 8 ქვეყნის არარეზიდენტმა ელჩმა, რწმუნებათა სიგელები გადასცეს.
„საქართველოს სახელმწიფო მეთაურს რწმუნებათა სიგელები 8 ქვეყნის: სლოვენიის, უგანდის, ტანზანიის, არგენტინის, სამხრეთ აფრიკის, მექსიკის, ინდოეთის, შრილანკის არარეზიდენტმა ელჩმა გადასცა.
რწმუნებათა სიგელების გადაცემის ოფიციალური ცერემონიის დასრულების შემდეგ, საქართველოს პრეზიდენტმა არარეზიდენტი ელჩებისთვის მიღება გამართა და დიპლომატებს საქმიანობაში წარმატებები უსურვა“, - ნათქვამია ინფორმაციაში.