ფლირიდის ავიაბაზაზე სროლებს 2 ადამიანი ემსხვერპლა, 11 კი დაიჭრა
ამერიკაში, ფლორიდის ავიაბაზაზე სროლების შედეგად, ორი ადამიანია გარდაცვლილი. ამის შესახებ ინფორმაცია ამერიკის სამხედრო-საზღვაო ძალების „ტვიტერის“ გვერდზეა განთავსებული. ადგილობრივი მედიის ინფორმაციით, მომხდარის გამო 11 ადამიანია დაჭრილი, რომლებიც საავადმყოფოში გადაიყვანეს.
ინციდენტი ფლორიდის შტატის პენსაკოლის სამხედრო-საზღვაო აეროდრომზე მოხდა. აღსანიშნავია, რომ პირი, რომელიც ისროდა, ლიკვიდირებულია.
ინციდენტის შესახებ ინფორმირებულია ამერიკის პრეზიდენტი დონალდ ტრამპი. თეთრ სახლში განაცხადეს, რომ პრეზიდენტი თვალს ადევნებს მოვლენათა განვითარებას.
