ნუგზარ წიკლაური - გამაოგნებელია, რომ  საქართველოს ხელისუფლება კვლავ დუმს და არავითარ განცხადებას არ აქვეყნებს ზელიმხან ხანგოშვილის მკვლელობასთან დაკავშირებით

„ნაციონალური მოძრაობის“ წევრის, ნუგზარ წიკლაურის განცხადებით, ზელიმხან ხანგოშვილის საქმეზე, საქართველოს ხელისუფლებამ უნდა გამოიყენოს გერმანიის კანცლერის ანგელა მერკელის განცხადება და გერმანიიდან რუსეთის ორი ელჩის გაძევების შემთხვევა.

როგორც ნუგზარ წიკლაურმა აღნიშნა, ამ დღეებში, გერმანიის ფედერალურმა პროკურორმა პროკურატურის ოფიციალური პოზიცია გამოაქვეყნა საქართველოს მოქალაქის, ზელიმხან ხანგოშვილის მკვლელობასთან დაკავშირებით. წიკლაურის თქმით, პროკურორმა განაცხადა, რომ არსებობს უტყუარი მტკიცებულებები, რომ ხანგოშვილის მკვლელობაში უშუალოდ ჩართული იყვნენ რუსეთის ფედერაციის სახელმწიფო სტრუქტურები.

„აღნიშნულ ინფორმაციაზე დაყრდნობით, გერმანიის მთავრობამ, ორი დღის წინ ქვეყნიდან გააძევა რუსეთის ორი დიპლომატი. კანცლერმა, ანგელა მერკელმა კი განაცხადა, რომ იმ შემთხვევაში, თუ რუსეთი გამოძიებასთან არ ითანამშრომლებს, ის მოლაპარაკებებს გამართავს პუტინთან და თუ ეს მოლაპარაკებები უშედეგო აღმოჩნდება, რუსეთის წინააღმდეგ კიდევ ახალი სანქციები იქნება. აღნიშნული ვითარება საქართველოსთვის უნიკალური შესაძლებლობაა, რომ აქტიურად და პრინციპულად დაიცვას საქართველოს მოქალაქეები და საქართველოს ინტერესები საერთაშორისო ასპარეზზე. გერმანიის ფედერაციის განცხადების შემდეგ, ჩვენ გვყავს მოკავშირე იმისათვის, რომ ჩვენი ინტერესები უფრო ეფექტურად იყოს დაცული. ამ უნიკალური შანსის მიუხედავად, გამაოგნებელია, რომ საქართველოს ხელისუფლება კვლავ დუმს, არავითარ ოფიციალურ პოზიციას და განცხადებას არ აქვეყნებს ზელიმხან ხანგოშვილის მკვლელობასთან დაკავშირებით. ეს გარემოება ხელს უწობს ერთადერთ ქვეყანას მთელს მსოფლიოში, ეს არის რუსეთის ფედერაცია. ახალა დუმილი მხოლოდ რუსეთის ფედერაციის წისქვილზე ახსამს წყალს. გვინდა მოვუწოდოთ საქართველოს ხელისუფლებას, გამოიყენოს ეს შესაძლებლობა, დააფიქსიროს ოფიციალური პოზიცია, დაიწყოს აქტიური საერთაშორისო კამპანია საქართველოს ინტერესების დასაცავად, საქართველოს მოქალაქის ინტერესის დასაცავად, რომელიც მოკლეს რუსეთის სახელმწიფოს სპეცსამსახურებმა. ამ შესაძლებლობების არ გამოყენება ნიშნავს იმას, რომ ქვეყნის ხელისუფლება კვლავ აგრძელებს რუსეთთან დათმობის სრულიად უმიზნო, უსაგნო და უშედეგო პოლიტიკას, იცავს არა საქართველოს სახელმწიფო და ეროვნულ ინტერესებს, არამედ რუსეთის ფედერაციის ინტერესებს, რაც დამაზიანებელია ამ კონკრეტიულ შემთხვევაში და რაც უდიდესი საფრთხის შემცველია მომავალში საქართველოს მოქალაქეთათვის, რომლებიც შეიძლება დაექვემდებარონ რუსეთის მხრიდან ისეთ ტერორისტულ თავდასხმებს, როგორიც ზელიმხან ხანგოშვილის შემთხვევაში მოხდა“, - განაცხადა ნუგზარ წიკლაურმა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას