ანდრიუს კუბილიუსი - გერმანულ მოდელთან დაკავშირებით მინდა მოვისმინო მმართველი გუნდის პოზიცია, რადგან ეს მოდელი არჩევნების შედეგებს ყველაზე უფრო პროპორციულად წარმოადგენს

ევრონესტი არის მნიშვნელოვანი საპარლამენტო ინსტიტუტი, რომელიც რამდენიმე წლის წინ დაარსდა. მე მას ვუწოდებდი „აღმოსავლეთის პარტნიორობის ყველაზე მნიშვნელოვან საპარლამეტნო ინსტიტუტს, - ამის შესახებ ევროპარლამენტარმა ანდრიუს კუბილიუსმა განაცხადა.

„აღმოსავლეთის პარტნიორობის დაარსებიდან 10 წელი გავიდა. ჩვენ განვიხილავთ იმას, თუ რა გაკეთდა ამ დროის განმავლობაში და რა იქნება მომდევნო 10 წლის განმავლობაში.

ჩვენ მოხარულები ვართ იმით, რომ საარჩევნო სისტემასთან დაკავშირებით მმართველ გუნდსა და ოპოზიციას შორის დიალოგი მიმდინარეობს. დიალოგი აუცილებად გამოიღებს შედეგს. მმართველი გუნდის მხრიდან ივნისში მიცემული დაპირების არშესრულება ნამდვილად არ არის კარგი გადაწყვეტილება, რადგან ეს მოსახლეობის უნდობლობას იწვევს. შეხვედრის დროს ოპოზიცია გამოვიდა ინციატივით, რომ არჩევნები გერმანული მოდელის მიხედვით ჩატარდეს, რასაც კონსტიტუციის ცვლილება არ სჭირდება. ამ საკითხთან დაკავშირებით მინდა მოვისმინო მმართველი გუნდის პოზიცია, რადგან ეს მოდელი არჩევნების შედეგებს ყველაზე უფრო პროპორციულად წარმოადგენს. ამ სიტუაციაში დიალოგი ყველაზე მნიშვნელოვანია. იმედია მმართველი გუნდი აცნობიერებს, თუ რა პრობლემები შეიძლება მოჰყვეს მათ გადაწყვეტილებას. ვფიქრობ, რომ ჩვენი აქ ყოფნა და მონაწილეობა სასარგებლო იქნება ორივე მხარისათვის“, - აღნიშნა კუბილიუსმა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე