სერგი კაპანაძე - ოპოზიციის ლიდერები ევროპარლამენტარებს გავაცნობთ სტრატეგიას, როგორ უნდა გამოვიდეთ ამ პოლიტიკური კრიზისიდან

ევროპარლამენტარებს ოპოზიციის ლიდერები გავაცნობთ ჩვენს სტრატეგიას, თუ როგორ უნდა გამოვიდეთ ამ პოლიტიკური კრიზისიდან, - ამის შესახებ "ევროპული საქართველოს" ერთ-ერთმა ლიდერმა სერგი კაპანაძემ ევრონესტის საპარლამენტო ასამბლეის რიგით მე-8 ყოველწლიურ სესიაზე - „აღმოსავლეთ პარტნიორობის სამომავლო ხედვები“ საუბრისას განაცხადა.

როგორც კაპანაძემ აღნიშნა, ევროპარლამენტარები "არ ერიდებიან მთავრობის კრიტიკას, როდესაც ხედავენ, თუ როგორ იქცევა ხელისუფლება, მათ შორის, ადამიანის უფლებების შეზღუდვის, დაპირებების არ შესრულების და ქვეყნის პოლიტიკურ კრიზისში შეყვანის კუთხით".

"ოპოზიციის ლიდერები ცალკე შეხვედრას მართავენ ევროპარლამენტარებთან, სადაც გავაცნობთ ჩვენს სტრატეგიას, როგორ გამოვიდეთ ამ პოლიტიკური კრიზისიდან. ჩვენ ვნახეთ ბოლო დღეების და კვირების განმავლობაში ძალიან ბევრი მხარდამჭერი განცხადება, მათ შორის აქ მყოფი ევროპარლამენტარების მხრიდან. ისინი არ ერიდებიან მთავრობის კრიტიკას, როდესაც ხედავენ, თუ როგორ იქცევა ხელისუფლება, მათ შორის, ადამიანის უფლებების შეზღუდვის, დაპირებების არ შესრულების და ქვეყნის პოლიტიკურ კრიზისში შეყვანის კუთხით. ამ თემებზე გვექნება საუბარი და იმედი გვაქვს, რომ ისინი გაარძელებენ მხარდაჭერას საქართველოში დემოკრატიის პროცესის და დიალოგის. ეს არის ერთადერთი გზა როგორ გამოვიდეთ ამ მწვავე პოლიტიკური კრიზისიდან. ხელისუფლებას საღი აზრი უნდა ეყოს, რომ თვალი გაუსწოროს ამ რეალობას და მათ შორის, გაითვალისწინოს ევროპელი პარტნიორების გზავნილები", - განაცხადა სერგი კაპანაძემ.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა