ოპოზიციური პარტიების წარმომადგენლების ნაწილი ევროპარლამენტარებთან შეხვედრას მართავს

სასტუმრო „ბილტმორში“ევრონესტის საპარლამენტო ასამბლეის რიგით მე-8 ყოველწლიური სესიის ფარგლებში, ოპოზიციის წარმომადგენლები ეროპარლამენტარებთან შეხვედრას მართავენ.

როგორც შეხვედრის დაწყებამდე „ევროპული საქართველოს“ ერთ-ერთმა ლიდერმა დავით ბაქრაძემ მედიას განუცხადა, შეხვედრაზე განხილვის მთავარი თემა იქნება ოპოზიციის იმ წინადადებების გაცნობა ევროპარლამენტარებისთვის, რომლებიც ქვეყანას პოლიტიკური კრიზისიდან გამოიყვანს.

"ჩვენს მეგობრებს და სტრატეგიულ პარტნიორებს ევროპარლამენტში ძალიან აღელვებთ ის პოლიტიკური კრიზისი და პოლიტიკური ჩიხი რომელშიც დღეს ქვეყანა „ქართული ოცნების“ ტყუილმა შეიყვანა, ამიტომ მთავარი თემა იქნება ამ პოლიტიკური კრიზისის განხილვა და იმ წინადადებების მიწოდება, რომელიც ჩვენ როგორც პასუხისმგებლიანმა ოპოზიციამ მოვამზადეთ იმისთვის, რომ ქვეყანა გამოვიყვანოთ ამ პოლიტიკური კრიზისიდან. უნდა გვესმოდეს, რომ საქართველოს მომავალი არის ჩვენს ევროპულ ინტეგრაციაში ამიტომ ევროპარლამენტარების პოზიცია არის უაღრესად მნიშვნელოვანი. “ქართული ოცნების“ ნაბიჯებმა ფუნდამენტალურად დააზიანა საქართველოს, როგორც დემოკრატიული ქვეყნის იმიჯი ევროპარლამენტშიც, ბრიუსელშიც, ვაშინგტონშიც და ყველა ჩვენს სტრატეგიულ პარტნიორთან. ამიტომ ჩვენი ამოცანაა ვესაუბროთ ევროპარლამენტარებს იმაზე, თუ რა უნდა გაკეთდეს და როგორ უნდა შემცირდეს ის ზიანი, რაც ქვეყანამ მიიღო ქართული ოცნების ტყუილის და პოლიტიკურ ჩიხში შეყვანილი პროცესის შედეგად," - განაცხადა დავით ბაქრაძემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის