ირაკლი კობახიძე - კრიზისში არის ოპოზიცია, შესაბამისად, ოპოზიციის საქმეა წინადადების წარმოდგენა და დაველოდებით მათ წინადადებას

ჩვენი პოზიცია არის მარტივი, კრიზისში არის ოპოზიცია, შესაბამისად, ოპოზიციის საქმეა წინადადების წარმოდგენა და დაველოდებით მათ წინადადებას,- ამის შესახებ პარლამენტის ყოფილმა თავმჯდომარემ ირაკლი კობახიძემ ჟურნალისტებს „შერატონში“ ხელისუფლებისა და ოპოზიციური პარტიების წარმომადგენლების შეხვედრის დაწყებამდე განუცხადა.

როგორც კობახიძემ აღნიშნა, ოპოზიციის წინადადების შესაბამისად გადაწყდება, რა ფორმატში გააგრძელებს მმართველი გუნდი მათთან დიალოგს.

"ჩვენ ვთამშრომლობთ ჩვენს საერთაშორისო პარტნიორებთან, ანგარიშს ვუწევთ მათ პოზიციას, მათი ინიციატივა იყო მეორე შეხვედრის ჩატარება და მოვედით ამ შეხვედრაზე. ველოდებით ოპოზიციის შეთავაზებას, მათ წინადადებას, ვნახოთ რას წარმოგვიდგენენ დღეს და ამის მიხედვით გაგრძელდება საუბარი. ე.წ გერმანულ მოდელთან დაკავშირებით ჩვენი პოზიცია არის აბსოლუტურად ცხადი. არის მარტივი მათემატიკური საკითხი ის, რომ ეს მოდელი არ შეესაბამება მოქმედ კონსტიტუციას. აქედან გამომდინარე ველოდებით ოპოზიციის წინადადებებს, ეს არის ჩვენი მყარი პოზიცია",- განაცხადა კობახიძემ.

რაც შეეხება კითხვას იმის შესახებ, გაითვალისწინებს თუ არა მმართველი გუნდი ოდირის დასკვნას, როცა უკვე ის ცნობილი გახდება, კობახიძემ განაცხადა, რომ : "ასეთი დასკვნა ვერ იქნება“.

. დასკვნა და დასაბუთება უნდა დაიწეროს იმასთან დაკავშირებით რომ 77 უდრის 150-ს. თქვენ როგორ წარმოგიდგენიათ ამის დაწერა? როდესაც აქამდე საუბრობდნენ ოპოზიციის წარმომადგენლები იმაზე, რომ შეესაბამებოდა კონსტიტუციას გერმანული მოდელი, ისინი არ საუბრობდნენ არგუმენტებით. ვერ ნახავთ ვერც ერთ არგუმენტს, როგორ უნდა დაწერო ის, რომ 77 უდრის 150-ს. ჩვენი პოზიცია არის მარტივი, კრიზისში არის ოპოზიცია. შესაბამისად, ოპოზიციის საქმეა წინადადების წარმოდგენა და დაველოდებით მათ წინადადებას",- განაცხადა კობახიძემ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)