სასაუბრო თემად გვქონდა მაჟორიტარული მანდატების განაწილების წესი, რა წესზე შევთანხმდებით ეს უკვე შემდეგი შეხვედრების თემაა, - ამის შესახებ საპარლამენტო უმრავლესობის ლიდერმა მამუკა მდინარაძემ ოპოზიციასა და ხელისუფლებას შორის მოლაპარაკებების მეორე რაუნდის დასრულების შემდეგ მედიასთან განაცხადა.

მდინარაძის თქმით, მოლაპარაკების თემა დღევანდელ შეხვედრაზე შეიცვალა.

„დღეს პრაქტიკულად შეიცვალა მოლაპარაკების თემა, სასაუბრო თემად გვქონდა მაჟორიტარული სისტემის ქვეშ , მაჟორიტარული მანდატების განაწილების წესი. აქ კონსტიტუციურობასთან დაკავშირებით კითხვები აღარ არსებობს, ეს იქვე დავუდასტურეთ, როგორც აქ, ისე წინა შემთხვევაში. რა წესზე შევთანხმდებით და საერთოდ ამ მიმართულებით შევთანხმდებით თუ არა ეს კიდევ მეორე საკითხია და შემდეგი შეხვედრების თემაა“,-განაცხადა მამუკა მდინარაძემ.