დღეს გერმანულ,მის მიმსგავსებულ, ან ე.წ ქართულ მოდელზე საუბარი აღარ ყოფილა, -ამის შესახებ საპარლამენტო უმრავლესობის ლიდერმა მამუკა მდინარაძემ ოპოზიციასა და ხელისუფლების წარმომადგენლებს შორის მოლაპარაკებების მეორე რაუნდის დასრულების შემდეგ მედიასთან განაცხადა.
მამუკა მდინარაძის თქმით, ოპოზიციასთან შეხვედრაზე საუბარი შეეხო მოქმედი საარჩევნო სისტემის ფარგლებში მაჟორიტარული მანდატების გადანაწილების წესს.
„დღს გერმანულ,მის მიმსგავსებულ, ან ე.წ ქართულ მოდელზე, რომელიც ჩვენი ოპონენტების თქმით, არის გერმანულთან მიახლოებული, საუბარი აღარ ყოფილა. საუბარი გაგრძელდა მოქმედი კონსიტუციის ფარგლებში მაჟორიტარული მანდატების განაწილების წესთან დაკავშირებით და შემდეგი შეხვედრაც შეეხება ამ თემას. ვინ რა დათმო, როგორ დათმო და რაშია რეალურად საქმე , ალბათ, ამ კომენტარიდან ადვილი გასაგებია ყველასთვის“,-განაცხადა მდინარაძემ.