გიგა ბოკერიას განცხადებით, საერთაშორისო პარტნიორების დამსახურებაა, რომ ხელისუფლება, რომელიც უარს ამბობდა ოპოზიციის შეთავაზების განხილვაზე, მათი წინადადების მრავალმანდატიან კომპონენტს განიხილავს

ველოდებით, მრავალმანდატიან ოლქებზე, ჩვენი შეთავაზების ნაწილზე მმართველი პარტიის პოზიციას, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ხელისუფლებისა და ოპოზიციის წარმომადგენლების შეხვედრის შემდეგ განაცხადა, რომელშიც მონაწილეობას დიპლომატიური კორპუსის წარმომადგენლები იღებდნენ.

გიგა ბოკერიას თქმით, ქვეყნის საერთაშორისო პარტნიორების მიღწევაა ის, რომ ხელისუფლების წარმომადგენლები, რომლებიც უარს ამბობდნენ ოპოზიციის შეთავაზების განხილვაზე, ახლა სწორედ ოპოზიციის წინადადებას განიხილავენ.

„გერმანული მოდელი არის ჩვენი შეთავაზების საკვანძო კომპონენტი,ჩვენი უცხოელი პარტნიორების წინადადებით ჩვენ დავიწყეთ ჩვენი შეთავაზების კომპონენტ-კომპონენტ გავლა. ველოდებით, მრავალმანდატიან ოლქებზე, ჩვენი შეთავაზების ნაწილზე მმართველი პარტიის პოზიციას. მიღწევაა ჩვენი საერთაშორისო მეგობრების, რომ ხელისუფლების წარმომადგენლები, რომლებიც უარს იძახდნენ, ამბობდნენ, არც კი დავჯდებით და არაფერს განვიხილავთო, ახლა ვიხილავთ ჩვენი წინადადების ამ კომპონენტს-მრავალმანდატიან კომპონენტს. წარმატება იქნება,როცა შედეგს დავდებთ“,-განაცხადა ბოკერიამ.

მისივე თქმით, შედეგი არის პროპორციული საარჩევნო სისტემა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა