თეთრი სახლის ეროვნული უსაფრთხოების მრჩევლის რობერტ ო’ბრიენის ინფორმაციით, ადმინისტრაცია მუშაობს რუსეთის საგარეო საქმეთა მინისტრის სერგეი ლავროვის და შტატების პრეზიდენტის დონალდ ტრამპის შეხვედრაზე.

„მოითმინეთ და ნახავთ. ჩემი აზრით, ამის შესაძლებლობა არის. ჩვენ ამ თემაზე ვმუშაობთ“, -განუცხადა ო’ბრეინმა CBS News-ს.

მისი თქმით, ეს ურთიერთპატივისცემაა, რადგან რუსეთში ვიზიტის დროს ვლადიმერ პუტინი, აშშ-ის სახელმწიფო მდივანს მაიკ პომპეოს შეხვდა.

„როდესაც პომპეო ჩავიდა რუსეთში, პუტინი მას შეხვდა. ასე, რომ ვფიქრობ, ეს უბრალოდ ურთიერთპატივისცემაა“, - განაცხადა ო’ბრიენმა.

როგორც მედიით გახდა ცნობილი, ხვალ რუსეთის საგარეო საქმეთა მინისტრს, ამერიკის სახელმწიფო მდივანი უმასპინძლებს. სახელმწიფო დეპარტამენტის ინფორმაციით, შეხვედრაზე „რეგიონული და ორმხრივი ურთიერთობების ფართო სპექტრი განიხილება“.

ამერიკული მედიის ცნობით, შეხვედრის ერთ-ერთ მთავარი თემები სირიისა და უკრაინის საკითხები იქნება.