გიორგი კანდელაკი - ევროპარლამენტარებში ერთმნიშვნელოვანი განწყობაა, რომ ქვეყანა იმყოფება კრიზისში

ევროპარლამენტარებში ერთმნიშვნელოვანი განწყობაა, რომ ქვეყანა იმყოფება კრიზისში, - ამის შესახებ ჟურნალისტებს „ევროპული საქართველოს" დეპუტატმა, გიორგი კანდელაკმა განუცხადა.

მისივე თქმით, ერთ-ერთ რეზოლუციაში ჩაიწერება კიდეც, რომ უნდა შედგეს კონსენსუსი და „ქართული ოცნება" წავიდეს დათმობაზე.

„არავინ არ ბრიყვდება ზღაპრებით, რომ თითქოს რაღაც მაჟორიტარების აჯანყებას ჰქონდა ადგილი. ევროპარლამენტარები ერთ-ერთ რეზოლუციაში ისაუბრებენ ვაჟა გაფრინდაშვილზეც, იქნება კუბილიუსის დიდი ხნის ინიციატივა, რომელსაც იგი ბრიუსელში ლობირებას უწევს, ე.წ.ტრიო სტატეგიისა, რომ საქართველომ, მოლდოვამ და უკრაინამ მიიღონ ევროკავშირში გაწევრიანების პერსპექტივა და მე როგორც ვიცი, 20 ივნისს დაკავებულებზეც იქნება ნათქვამი რეზოლუციებში“, - განაცხადა კანდელაკმა.

მისივე თქმით, იმ სიაში, რომელიც მან ევრონესტის თანათავმჯდომარეს გადაუგზავნა, მათ შორის არიან „გავრილოვის პატიმრებიც".

„ასევე, ამ სიაში არის ყველა ის ადამიანი, რომელიც ამ თვეების განმავლობაში დააპატიმრეს. ქრესტომათიული შემთხვევაა, როცა ლობიოს მარცვლების აყრის გამო აპატიმრებ ადამიანს და ძალადობისთვის, ცხვირ-პირის მტვრევისთვის არავინ მიდის ციხეში. ეს არის შეშფოთების საგანი ევროპარლამენტარების მხრიდან. ასე ცივილიზებული ქვეყნები არ იქცევიან, ასე იქცევიან ველურები. თუ არ გაითვალისწინებენ მათ რეზოლუციებს, მით უარესი მათთვის“, - განაცხადა კანდელაკმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა