გუბაზ სანიკიძე რუსეთის კულტურის ცენტრის გახსნაზე - მთავარი ჩვენი ხელისუფლების მოღალატური ქმედებებია - ქვეყნის ჩაბარებასთან დაკავშირებით მიდის მუშაობა

ქვეყნის ჩაბარებასთან დაკავშირებით მიდის ინტენსიური მუშაობა, - ამის შესახებ ჟურნალისტებს ყოფილმა დეპუტატმა გუბაზ სანიკიძემ ჟურნალისტებს სასტუმრო „რუმსში“ განუცხადა, სადაც თბილისში რუსეთის კულტურის ცენტრის გახსნასთან დაკავშირებით, რომელიც დეკემბერშია დაანონსებული, კონფერენცია მიმდინარეობს.

"სხვათაშორის, კულტურის ცენტრების გახსნა ეს აპრობირებული მეთოდია და ამის ავტორობას რუსეთს ვერ დავაბრალებთ. დიდი ქვეყნები ქმნიან კულტურულ ცენტრებს ამა თუ იმ ქვეყანაში გავლენების მოპოვებისთვის. ჯერ კიდევ საბჭოთა კავშირსაც ჰქონდა კულტურული ცენტრები ახლო აღმოსავლეთში, მესამე ქვეყნებში. ეს არის უბრალოდ დავერბოვკება, გავლენების მოკრება ამა თუ იმ ქვეყანაში. რუსეთის ინტერესები რა თქმა უნდა, ცნობილია, მაგრამ აქ მთავარი არის ჩვენი ხელისუფლების მოღალატური ქმედებები - ქვეყნის ჩაბარებასთან დაკავშირებით მიდის ინტენსიური მუშაობა. იმედი მაქვს, დღევანდელი შეკრების შემდეგ საზოგადოება და ჩვენი თანამემამულეები უფრო ფხიზლად ვიქნებით", - განაცხადა გუბაზ სანიკიძემ.

შეგახსენებთ, რუსი დიპლომატის, გრიგორი კარასინის განცხადებით, დეკემბრის შუა რიცხვებში, თბილისში, რუსული ენისა და კულტურის ცენტრი გაიხსნება, „რომელიც უდავოდ მნიშვნელოვან როლს შეასრულებს რუსეთსა და საქართველოს შორის ურთიერთობების განვითარებაში“. შესაბამისი კომენტარი კარასინმა რუსულ მედიასთან, ზურაბ აბაშიძესთან პრაღაში გამართული შეხვედრის შემდეგ გააკეთა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ