პარლამენტის ყოფილი თავმჯდომარის, ირაკლი კობახიძის განცხადებით, საქართველოში რუსული ენისა და კულტურის ცენტრის გახსნაზე კონკრეტული ინიციატივა არ ყოფილა და „საქმე მხოლოდ სპეკულაციასთან გვაქვს“.
„ამ საკითხში ჩახედული არ ვარ. მე მგონი, აქ მხოლოდ სპეკულაციებთან გვაქვს საქმე. არანაირი კონკრეტული ინიციატივა ამასთან დაკავშირებით არ ყოფილა. უბრალოდ, რაღაც გაჟღერდა. საიდან, ისიც გაუგებარია და მოჰყვა ამას სპეკულაციები“, - განაცხადა კობახიძემ.
შეგახსენებთ, რომ რუსი დიპლომატის, გრიგორი კარასინის განცხადებით, დეკემბრის შუა რიცხვებში, თბილისში, რუსული ენისა და კულტურის ცენტრი გაიხსნება, „რომელიც უდავოდ მნიშვნელოვან როლს შეასრულებს რუსეთსა და საქართველოს შორის ურთიერთობების განვითარებაში“. შესაბამისი კომენტარი კარასინმა რუსულ მედიასთან, ზურაბ აბაშიძესთან პრაღაში გამართული შეხვედრის შემდეგ გააკეთა.