ფინანსთა მინისტრი - ლევან სურგულაძემ ალბათ ჩათვალა, რომ მისი ძირითადი მისია შესრულებულია

ფინანსთა მინისტრი ივანე მაჭავარიანი აცხადებს, რომ აბსოლუტურად ბუნებრივად ეჩვენება, რომ „საპენსიო სააგენტოს" დირექტორი, ლევან სურგულაძე თანამდებობას ტოვებს. მინისტრის თქმით, ლევან სურგულაძემ საკმაოდ დიდი შრომა გაწია და დღეს საპენსიო სააგენტო გამართული ორგანიზაციაა.

„ლევან სურგულაძემ საკმაოდ დიდი სამუშაო გასწია. 1 წლის წინ პრაქტიკულად არ არსებობდა საპენსიო სააგენტო. მან მოკლე ვადებში შექმნა ეს ორგანიზაცია ნულიდან, შესაბამისად, დღეს ჩვენ გამართული „საპენსიო სააგენტო" გვაქვს. მან ალბათ ჩათვალა, რომ მისი ძირითადი მისია შესრულებულია. ახლა მნიშვნელოვანი და მეტი წონის მატარებელია საინვესტიციო საქმიანობა, რომელსაც საინვესტიციო საბჭო განსაზღვრავს. მემგონი დღეს უკვე აქცენტი ამ მიმართულებით უნდა გადავიტანოთ“, - აღნიშნა მაჭავარიანმა.

„საპენსიო სააგენტოს“ დირექტორმა, ლევან სურგულაძემ თანამდებობის დატოვებასთან დაკავშირებით სამეთვალყურეო საბჭოს განცხადებით მიმართა. მან შესაბამისი განცხადება დღეს „საპენსიო სააგენტოს“ სათაო ოფისში მედიის წარმომადგენლებთან გააკეთა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან