ჩემი ინიციატივაა, სესიაზე ბოიკოტი გამოვუცხადოთ მოსამართლეების სიის კენჭისყრას. ამ ვერსიას ჩვენ განვიხილავთ ჩვენი ფრაქციის სხდომაზე და სავარაუდოდ, ბოიკოტს გამოვაცხადებთ ერთიანად,- ამის შესახებ ფრაქცია „დამოუკიდებელი დეპუტატების" წევრმა, ლევან კობერიძემ ჟურნალისტებთან განაცხადა.

მან კოლეგა დეპუტატებს ასევე, ბოიკოტისკენ მოუწოდა.

„ქართული ოცნება" დავტოვოთ თავისი „კლანის“ მოსამართლეებთან, რომელიც გადმოიბარეს ადეიშვილ-სააკაშვილისგან. გამოვუცხადოთ ბოიკოტი, დარჩნენ ისინი მარტო ამ „კლანის“ მოსამართლეებთან. ვთვლი, რომ სასესიო დარბაზში ყოფნა მოსამართლეების არჩევასთან დაკავშირებულ ე.წ. დემოკრატიულ ფასადურ პროცესს ლეგიტიმაციას აძლევს,"- განაცხადა ლევან კობერიძემ.