ევრონესტის საპარლამენტო ასამბლეის თანაპრეზიდენტი, ანდრიუს კუბილიუსი შეშფოთებას გამოთქვამს საქართველოში „პოლიტიკური აქტივობის გამო“ დაკავებების გამო.

მისი თქმით, ადამიანები, პოლიტიკური აქტივობების გამო ციხეში არ უნდა ხვდებოდნენ.

„ჩვენ შეშფოთებული ვართ, რომ ბევრ ადამიანს საქართველოში პოლიტიკური აქტივობის გამო აკავებენ ან დაკავებით ემუქრებიან. ჩემი რჩევა იქნება, რომ გამოსავლის მოძიება დიალოგის გზით მოხდეს. ადამიანები, პოლიტიკური აქტივობის გამო, ციხეში არ უნდა ხვდებოდნენ“,-განაცხადა კუბილიუსმა.

შეგახსენებთ, თბილისში, ევრონესტის საპარლამენტო ასამბლეის რიგით მე-8 ყოველწლიური სესია - „აღმოსავლეთ პარტნიორობის სამომავლო ხედვები“ მიმდინარეობს, რომელიც 10 დეკემბრის ჩათვლით გაგრძელდება.