ირანის საგარეო საქმეთა მინისტრის, მუჰამედ ჯავად ზარიფის თქმით, ირანი მზად არის სრულად გაცვალოს ტყვეები ამერიკის შეერთებულ შტატებთან. მისივე განცხადებით, „ბურთი ახლა ამერიკის მოედანზეა“.
„მას შემდეგ, რაც დავიბრუნეთ ჩვენი მძევალი, სრულ მზადყოფნას გამოვთქვამთ ყველა პატიმრის გაცვლისთვის“,-განაცხადა ზარიფმა.
ამერიკის შეერთებულმა შტატებმა და ირანმა შაბათს პატიმრები გაცვალეს, რაც, მედიის ცნობით, ორ ქვეყანას შორის თანამშრომლობის უიშვიათესი მოვლენაა.