საქართველოში ევროკავშირის ელჩი კარლ ჰარცელი ხელისუფლებისა და ოპოზიციის წარმომადგენლებს შორის 8 დეკემბერს გამართულ შეხვედრას Twitter-ზე ეხმაურება:
„მმართველი პარტიისა და ოპოზიციის წარმომადგენლებს შორის შეხვედრამ აჩვენა, რომ ორივე მხარე ვალდებულების ერთგულების კვალდაკვალ, შედეგის მისაღწევად საერთო გზას ეძებს. პროგრესი ეტაპობრივად მიიღწევა“, - აცხადებს ჰარცელი და ტექსტს შესაბამის ფოტოს ურთავს.
შეგახსენებთ, რომ 8 დეკემბერს გამართული შეხვედრისას ხელისუფლებისა და ოპოზიციის წარმომადგენლები მრავალმანდატიანი მაჟორიტარული სისტემის განხილვაზე შეთანხმდნენ.