საავტომობილო გზების დეპარტამენტის ორგანიზებით, ხვალ ღონისძიება „მეგზევის დღე“ აღინიშნება
საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ორგანიზებით, ღონისძიება “მეგზევის დღე” აღინიშნება.
როგორც „ინტერპრესნიუსს“ საავტომობილო გზების დეპარტამენტიდან აცნობეს, ღონისძიების ფარგლებში გამართულ კონფერენციაზე საავტომობილო გზების დეპარტამენტის წლის ანგარიშს წარადგენენ და დამსახურებული მეგზევეები დაჯილდოვდებიან.
მათი ცნობით, ღონისძიებას დაესწრებიან: საქართველოს ვიცე-პრემიერი, საქართველოს რეგიონული განვითარებისა და ინფრასტრუქტურის მინისტრი მაია ცქიტიშვილი, მინისტრის პირველი მოადგილე, საქართველოს საავტომობილო გზების დეპარტამენტის თავმჯდომარე ირაკლი ქარსელაძე, საკანონმდებლო და აღმასრულებელი ხელისუფლების წარმომადგენლები, ქართული საგზაო სექტორის წარმომადგენლები და სხვა მოწვეული სტუმრები.
ღონისძიება სასტუმრო „რადისონ ბლუ ივერიაში“ 10 დეკემბერს, 10:30 საათზე დაიწყება.
