ანრი ოხანაშვილი - იურიდიულ დეპარტამენტს არ აქვს უფლება, რომ  კონსტიტუციასთან შესაბამისობის საკითხი გადაწყვიტოს - ოპოზიციაში  ომახიანად ნუ იქნებიან

იურიდიულ დეპარტამენტს არ აქვს იმის უფლება, რომ კონსტიტუციასთან შესაბამისობის საკითხი გადაწყვიტოს, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებს განუცხადა, რითაც უპასუხა კითხვას, როგორია მისი მოსაზრება ოპოზიციის განცხადებაზე, რომ იურიდიულმა დეპარტამენტმა გამოაქვეყნა დასკვნა, რომლის გათვალისწინებითაც უნდა განიხილონ ე.წ. გერმანული მოდელი.

ოხანაშვილის განმარტებით, იურიდიულ დეპარტამენტს ტექნიკური ფუნქცია აკისრია და კონსტიტუციასთან შესაბამისობის საკითხს ვერ გადაწყვეტს.

„ასე, თუ გაახარებდა ამათ ამ დასკვნის დაწერა, აქამდე დაწერდა იურიდიული დეპარტამენტი. იურიდიულ დეპარტამენტს წმინდა ტექნიკური ხასიათის ფუნქცია აქვს, რომელიც ამოწმებს შემდეგს: არის თუ არა წარმოდგენილი განმარტებითი ბარათი, არის თუ არა წარმოდგენილი კანონპროექტი და ტექნიკურად იძლევა ვიზირებას, რომ შესაძლოა პროცედურა დაიწყოს. იურიდიულ დეპარტამენტს არ აქვს იმის უფლება, რომ კონსტიტუციასთან შესაბამისობის საკითხი გადაწყვიტოს. ამიტომ, ეს არის წმინდა ტექნიკური საკითხი. ასე რომ, წინასწარ ასე ომახიანად ნუ იქნებიან, ნუ განაცხადებენ, რომ კონსტიტუციასთან შესაბამისობაშია. ეს არის მხოლოდ ტექნიკური პროცედურა, რომელიც ქმნის შესაძლებლობას, რომ პროცედურა დაიწყოს. ასევე იყო, როდესაც კოლეგებმა, პარლამენტის უფრაქციო წევრებმა დაარეგისტრირეს უზენაესი სასამართლოს მოსამართლეების უვადოდ დანიშვნის შეჩერების საკითხი, რომელიც ასევე არაკონსტიტუციური იყო და იურიდიულ საკითხთა კომიტეტმა დავწერეთ სამართლებრივი დასკვნა, რომ ეს იყო კონსტიტუციასთან შეუსაბამო. მაშინაც, იურიდიულმა დეპარტამენტმა შეამოწმა ტექნიკური სტანდარტები, იყო თუ არა განმარტებითი ბარათი, კანონპროექტი იყო თუ არა წარმოდგენილი და ა.შ. და მისცა ვიზირება, რომ დაწყებულიყო წარმოება. ეს არის მხოლოდ ტექნიკური საკითხი“, - განაცხადა ანრი ოხანაშვილმა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა