იურიდიული დეპარტამენტის უფროსი - ამ ეტაპზე არ არსებობს ოპოზიციის მიერ შეტანილი კანონპროექტის განხილვის შემაფერხებელი გარემოებები

პარლამენტის იურიდიული დეპარტამენტის უფროსის ალეკო ტაბატაძის განმარტებით, პარლამენტის ბიუროსთვის მიწოდებულ დასკვნაში ნამდვილად წერია, რომ ამ ეტაპზე არ არსებობს ოპოზიციის მიერ შეტანილი კანონპროექტის განხილვის შემაფერხებელი გარემოებები.

მისი თქმით, „ამ ეტაპზე, ინიცირების დაწყების პირველ სტადიაზე კანონპროექტის კანონმდებლობის შესაბამისობის საკითხი არ მოწმდება“.

„იურიდიული დეპარტამენტის დასკვნის ფარგლები განსაზღვრულია პარლამენტის რეგლამენტის შესაბამისად და ის ამზადებს ორი სახის დასკვნას: ერთი სახის დასკვნა რეგლამენტის 102-ე მუხლის შესაბამისად მზადდება მაშინ, როდესაც ხდება კანონპროექტის ინიცირება. ზუსტად აღნიშნულ მოცემულობასთან გვქონდა დღეს საქმე და ამ ეტაპზე იურიდიული დეპარტამენტი პარლამენტის ბიუროს აწვდის ინფორმაციას, წარდგენილი კანონპროექტი რამდენადაა შესაბამისობაში ნორმატიული აქტის მოთხოვნებთან. უფრო დეტალურად რომ ვთქვათ, ამ ეტაპზე მოწმდება, წარდგენილი კანონპროექტი რამდენად ინიცირებულია უფლებამოსილი სუბიექტის მიერ, განმარტებითი ბარათი წარდგენილია თუ არა ნორმატიული აქტების შესაბამისად, განმარტებითი ბარათის რეკვიზიტები რამდენად არის კანონთან შესაბამისობაში და წარდგენილია თუ არა კანონპროექტი პაკეტის სახით, ან უნდა ჰქონდეს თუ არა მას დართული სხვა საკანონმდებლო აქტებში ცვლილებების შეტანის კანონპროექტი. სხვა სახის შესაბამისობის საკითხი ამ ეტაპზე არ დგება და სწორედ ეს ინფორმაცია იყო პარლამენტის ბიუროსთვის მიწოდებული.

ვადასტურებ, რომ აღნიშნულ ეტაპზე ნორმატიული აქტების მოთხოვნებთან კანონპროექტი იყო შესაბამისი. შესაბამისად ეს დასკვნა მიეწოდა ბიუროს და დასკვნაში ცალსახადაა აღნიშნული, რომ ის ვერ ხედავს ნორმატიული აქტების მოთხოვნებიდან გამომდინარე, კანონპროექტის განხილვის მიზანშეწონილობის შემაფერხებელ გარემოებებს. რაც შეეხება შემდგომ დასკვნას, რომელსაც პარლამენტის აპარატის იურიდიული დეპარტამენტი 103-ე მუხლის შესაბამისად ამოწმებს, ეს გახლავთ საქართველოს კანონმდებლობასთან, საერთაშორისო ხელშეკრულებასთან და ევროკავშირის კანონმდებლობასთან შესაბამისობის საკითხი, ეს პროცესი იწყება მას შემდეგ, რაც პარლამენტის ბიურო იღებს გადაწყვეტილებას კანონპროექტის განხილვის დაწყების მიზანშეწონილობის თაობაზე. სწორედ ამის შემდეგ, დღეის შემდეგ ჩვენ ეს პროექტი გადმოგვეცემა ყველა სხვა სუბიექტთან ერთად და ამის შემდეგ მომზადდება კანონმდებლობასთან შესაბამისობის დასკვნა“, - განაცხადა ტაბატაძემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას