ეკა ბესელია - ეს კვირა ყველაზე რთული და საპასუხისმგებლო იქნება, ჩვენი ამოცანაა, რომ ჯალათი მოსამართლეები პარლამენტმა არ აირჩიოს

„უზენაესი სასამართლოს მოსამართლეობის კანდიდატების კენჭისყრის დღეს მოქალაქეები პარლამენტთან უნდა მოვიდნენ და აქ იდგნენ დილის 10 საათიდან, იმისთვის, რომ პარლამენტს ესმოდეს, მისი მანდატის უკან მდგომი ადამიანები აპროტესტებენ ამ 20 კაციან სიას,“ - ამის შესახებ დამოუკიდებელმა დეპუტატმა უზენაესი სასამართლოს მოსამართლეობის კანდიდატების კენჭისყრასთან დაკავშირებით განაცხადა. მისივე თქმით, მიმდინარე კვირა 2019 წლის განმავლობაში ყველაზე რთული იქნება და პარლამენტი ამაზე მნიშვნელოვან გადაწყვეტილებას ვერ მიიღებს, ვიდრე კანდიდატების კენჭისყრაა.

„დღეს ადამიანის უფლებების დაცვის დღეა და ძალიან სიმბოლურია, რომ დღევანდელ დღეს ქვეყანა ყველაზე დიდი პრობლემის წინაშე დგას - ეს არის სასამართლოს დამოუკიდებლობა. აბსოლუტური ფიქციაა იმაზე საუბარი, ვინმე იქნება თუ არა დაცული და ადამიანის უფლებათა დაცვის კუთხით გვაქვს თუ არა წარმატება, როდესაც „ქართული ოცნების“ მმართველობის მერვე წელს ისევ დგას საკითხი, წარსულში დავბრუნდებით, თუ უკეთეს მომავალს ვთავაზობთ ხალხს. დღეს სწორედ ამ განცხადების გასაკეთებლად მოვედი. ეს კვირა იქნება ყველაზე რთული და საპასუხისმგებლო მთელი 2019 წლის განმავლობაში და ამაზე უფრო საპასუხისმგებლო გადაწყვეტილება ამ პარლამენტს ნამდვილად არ ექნება მისაღები. ყველამ უნდა გაიაზროს, რომ ამ გადაწყვეტილებაზე აბსოლუტურად პირდაპირ არის დამოკიდებული ჩვენი ქვეყნის დემოკრატია და თითოეული მოქალაქის თავისუფლების ხარისხი. ჩვენი ამოცანაა, რომ წარსულის ცუდი საქმეების გამკეთებელი და ჯალათი მოსამართლეები არ აირჩიოს პარლამენტმა. მე ვიქნები კომიტეტის სხდომაზე, რადგან მიმაჩნია, რომ ჩემი ადგილი იქ არის, სადაც კენჭისყრა ხდება. მოქალაქეები პარლამენტთან უნდა მოვიდნენ და აქ იდგნენ დილის 10 საათიდან იმისთვის, რომ პარლამენტს ესმოდეს, მისი მანდატის უკან მდგომი ადამიანები აპროტესტებენ ამ 20-კაციან სიას“, - განაცხადა ეკა ბესელიამ.

შეგახსენებთ, რომ ხუთშაბათს, პარლამენტი უზენაესი სასამართლოს მოსამართლეობის 20-კაციან სიას კენჭს უყრის.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 01.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის