დიმიტრი ცქიტიშვილი  უზენაესი სასამართლოს მოსამართლეობის კანდიდატებზე - ამ შემადგენლობიდან ძალიან ბევრს, საზოგადოების მხარდაჭერა, ნდობა და აღიარება არ ექნება

უზენაესი სასამართლოს მოსამართლეების კანდიდატების უმეტესობა ვერ აღიარებდა იმასაც კი, რომ 2012 წლამდე ზეწოლის და პოლიტიკური მანიპულაციების მსხვერპლი იყო. ამ შემადგენლობიდან ძალიან ბევრს, საზოგადოების მხარდაჭერა, ნდობა და აღიარება არ ექნება, - ამის შესახებ დამოუკიდებელმა დეპუტატმა დიმიტრი ცქიტიშვილმა პარლამენტის პლენარულ სხდომაზე განაცხადა, რითაც გამოეხმაურა უზენაესი სასამართლოს მოსამართლეების შერჩევის პროცესს.

მისივე თქმით, თუკი პარლამენტი მხარს დაუჭერს მოსამართლეთა იმ შემადგენლობას, რომელიც 2018 წლის დეკემბერში 10- კაციანი სიის სახით შევიდა პარლამენტში, მოსამართლეთა შერჩევის ერთწლიანი პროცესი მთლიანად დისკრედიტირებული იქნება.

„შარშან, დაახლოებით, ამ დროს წარმოგვიდგინეს სია, რომელმაც ძალიან ბევრი ჩვენგანის აღშფოთება გამოიწვია. ვფიქრობ, მაშინ პარლამენტმა ძალიან სწორად და ობიექტურად იმოქმედა, როდესაც შეაჩერა ეს პროცესი და სულ სხვა, ძალიან ადეკვატური პროცესი დაგეგმა. თუ ამ პროცესის დასასრულს ჩვენ ავირჩიეთ ისეთი შემადგენლობა, რომელიც შარშან იყო წარმოდგენილი, მაშინ მთლიანად დისკრედიტირებული იქნება ეს 1- წლიანი პროცესი, რომელშიც დიდი შრომა იქნა ჩადებული. ამიტომაც მოგიწოდებთ, ძალიან მაღალი სტანდარტით მივუდგეთ ამ საკითხს და მხარი დავუჭიროთ მხოლოდ იმ კანდიდატებს, რომლებმაც დააკმაყოფილეს როგორც პროფესიონალიზმის, ასევე ზნეობის და კეთილსინდისიერების სტანდარტი. იქ რამდენიმე კანდიდატი იყო, რომელმაც მეტ-ნაკლებად კარგად წარმოაჩინა თავი და საზოგადოებას დაანახა თავისი პროფესიონალიზმიც და კეთილსინდისიერებაც, მაგრამ უმეტესი მათგანი ვერ ამბობდა იმასაც კი, რომ 2012 წლამდე იყვნენ გარკვეული ზეწოლის და პოლიტიკური მანიპულაციების მსხვერპლი. ამის აღიარებაც კი არ უნდათ და საბოლოოდ, ნდობაც კი არ არის მათ მიმართ. ამას უყურებდა პროფესიული საზოგადოება და ამ შემადგენლობიდან ძალიან ბევრს, საზოგადოების მხარდაჭერა, ნდობა და აღიარება არ ექნება. ძალიან დიდი გამოწვევის წინაშე დგას დღეს პარლამენტი, როდესაც ასეთი ფუნდამენტური გადაწყვეტილება უნდა მიიღოს, რომლითაც 15, 20, 25 წლის ვადით უნდა აირჩიოს მოსამართლე, რომელიც ხელშეუხებელი იქნება თავისი საქმიანობით,“ - განაცხადა ცქიტიშვილმა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან