რა თქმა უნდა, ბიძინა ივანიშვილმა ეს ხეები გადაშენებას გადაარჩინა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ბიძინა ივანიშვილის მიერ დენდროლოგიური პარკის განაშენიანების შესახებ ჟურნალ "ველური ბუნებისთვის" მიცემულ ინტერვიუსთან დაკავშირებით განაცხადა.

"უნიკალურ პარკს აკეთებს. ზოგადად, ბევრი ხე არის მოუვლელი. კეთდება ძალიან კარგი რამ, რომელიც ყველასთვის ხელმისაწვდომი იქნება," - განაცხადა თურნავამ.

ცნობისთვის, ბიძინა ივანიშვილმა დენდროლოგიური პარკის განაშენიანების შესახებ ჟურნალ "ველურ ბუნებასთან" ინტერვიუში განაცხადა, რომ გიგანტური ხეების გადარგვით ისინი გადაშენებას გადაარჩინა.