თსუ-ის ბიბლიოთეკაში „ლიბერთინსის" ახალი წიგნის - „მოგზაურის" წარდგენა გაიმართა

თბილისის სახელმწიფო უნივერსიტეტის ბიბლიოთეკაში გამომცემლობა „პალიტრა L-ის“ პროექტ „ლიბერთინსის" ახალი წიგნის - ალექსანდრა ბრაკენის „მოგზაურის" პრეზენტაცია გაიმართა.

როგორც „ინტერპრესნიუსს“ „პალიტრა L"- დან აცნობეს, ღონისძიებას სკოლის მოსწავლეები დაესწრნენ. ალექსანდრა ბრაკენის წიგნი მათ მწერალმა, ელის დოჯსონმა და პროექტის მენეჯერმა, გიორგი კიკაბიძემ წარუდგინეს.

„პალიტრა L"-ს ინფორმაციით, ბიბლიოთეკაში ასევე გაიმართა "ლიბერთინსის" წიგნების გამოფენა-გაყიდვა, რომლის ფარგლებშიც, წიგნები სპეციალურ ფასად იყო ხელმისაწვდომი.

ალექსანდრა ბრაკენის წიგნის - „მოგზაური" მთავარი გმირი ნიჭიერი მევიოლინეა. ჩვიდმეტი წლის ეტა სპენსერი ვერც წარმოიდგენდა, რომ, მუსიკალური ტალანტის გარდა, სხვა, გაცილებით უნიკალური, მისტიკური უნარის პატრონიც აღმოჩნდებოდა. იდუმალი და ყოვლისშემძლე პიროვნება აირონვუდი გოგონას 21-ე საუკუნის ნიუ-იორკიდან, გარკვეული მისიით, სრულიად სხვა ეპოქაში გადაისვრის. ეტას მხსნელად ახალგაზრდა და მამაცი კაპიტანი ევლინება. ეტა და ნიკოლასი სხვადასხვა საუკუნესა და ქვეყანაში მოგზაურობისას, საკაცობრიო კითხვაზე პასუხის ძიებასთან ერთად, საკუთარი ურთიერთობის შეცნობასაც ცდილობენ.

წიგნის მთარგმნელი ირაკლი სულაძეა, ხოლო ყდის მხატვარი - სანდრო სულაკაური.

წიგნი “ბიბლუსის" მაღაზიათა ქსელში უკვე ხელმისაწვდომია.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება