პროექტი - „საქართველოს კინოლოგიის მომსახურების ეფექტიანობის და ხარისხის გაუმჯობესება“ დღეს ოფიციალურად დაიხურა

10 დეკემბერს, ფინანსთა სამინისტროს შემოსავლების სამსახურის თბილისის გაფორმების ეკონომიკურ ზონაში, ჩეხეთის განვითარების სააგენტოსა (CDA) და ჩეხეთის საბაჟო უწყების მხრდაჭერით განხორციელებული პროექტის - „საქართველოს კინოლოგიის მომსახურების ეფექტიანობის და ხარისხის გაუმჯობესება“ დახურვის ცერემონია გაიმართა. ამის შესახებ „ინტერპრესნიუსს“ შემოსავლების სამსახურიდან აცნობეს.

მათი ცნობით, შემოსავლების სამსახურის უფროსმა ლევან კაკავამ შეხვედრის მონაწილეებს მისასალმებელი სიტყვით მიმართა და ჩეხეთის რესპუბლიკასთან თანამშრომლობის მნიშვნელობაზე ისაუბრა. ღონისძიებას, ასევე ესწრებოდა იერი პრეცლიკი, ჩეხეთის რესპუბლიკის საგანგებო და სრულუფლებიანი ელჩის მოადგილე საქართველოში. დასრულებისას ქართველმა და ჩეხმა კოლეგებმა ორწლიანი პროექტით მიღებული შედეგები შეაჯამეს.

აღნიშნულ ღონისძიებაზე, შემოსავლების სამსახურის უფროსმა ლევან კაკავამ უწყების სახელით, ნაყოფიერი თანამშრომლობისა და მჭიდრო მხარდაჭერისთვის, მადლობის სიგელები გადასცა ჩეხეთის რესპუბლიკის საელჩოს საქართველოში და ჩეხეთის განვითარების სააგენტოს (CDA).

,,მსურს გულითადი მადლობა გადავუხადო ჩეხ კოლეგებს განსაკუთრებული ძალისხმევისთვის, მონდომებისა და ყურადღებისთვის რამაც პროექტის წარმატება განაპირობა. მსმენია, რომ გარდა არაჩვეულებრივი კოლეგიალური თანამშრომლობისა პროექტის ყველა მონაწილეს მეგობრული ურთიერთობა ჩამოუყალიბდა, რაც ორმაგად დასაფასებელია“, - აღნიშნა შემოსავლების სამსახურის უფროსმა.

მისი თქმით, საბაჟოს მიმართულებით დაგეგმილია სხვადასხვა მნიშვნელოვანი რეფორმებისა და სიახლეების განხორციელება.

,,მოხარული ვიყავი გამეგო ჩემი თანამშრომლებისგან, რომ ჩეხეთის მთავრობა კვლავ გამოთქვამს მზადყოფნას მხარში დაგვიდგეს სხვა მნიშვნელოვანი პროექტების განხორციელებაში. მით უფრო, რომ უკვე არსებობს სამმხრივი თანამშრომლობის არაჩვეულებრივი გამოცდილება“, - აღნიშნა ლევან კაკავამ.

მათივე ინფორმაციით, აღნიშნული პროექტი შემოსავლების სამსახურის საბაჟო დეპარტამენტში 2017 წელს დაიწყო და რამდენიმე ეტაპისგან შედგებოდა. პროექტის ფარგლებში, კინოლოგიის სამსახურს 9 სამსახურებრივი ძაღლი და სხვადასხვა დანიშნულების საწრთვნელი აღჭურვილობა გადაეცა. ამასთან, ქართულ ენაზე ვრცელი კინოლოგიის სახელმძღვანელო ითარგმნა და სამმა კინოლოგ-ოფიცერმა სასწავლო კურსი ჩეხეთში გაიარა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო