საპარლამენტო უმრავლესობის ლიდერი მამუკა მდინარაძე აცხადებს, რომ გუნდის მიმართ ეკლესიასთან დაკავშირებით ალექსანდრე ერქვანიას საყვედურები გასაკვირია.

"იმ ფონზე, როცა აქციების დროს "ნაცმოძრაობის" სატელიტები გამოდიან და უმძიმეს შეურაცხყოფას აყენებენ ხატებს, ამ ფონზე თუ სხვა მიმართულებით ისმის საყვედურები, როგორც მინიმუმ გასაკვირია. ჩვენ ყველაფერს ვაკეთებთ იმისთვის, რომ მოვუწოდოთ ადამიანებს, რაც არ უნდა ურწმუნო იყოს, პატივი სცეს გუშინდელ დღეს, ტრადიციას, ისტორიას, რომელშიც უდიდესი როლი და ღვაწლი მიუძღვის ქართულ ეკლესიას და თავი დაანებოს შეურაცხყოფას. ამ ფონზე მიმართულების შეცვლა და საყვედურის სხვა მიმართულებით გაგზავნა, ჩემი აზრით, სწორი არ არის,"- განაცხადა მამუკა მდინარაძემ.

შეგახსენებთ, რომ ალექსანდრე ერქვანიამ საპარლამენტო უმრავლესობა დატოვა.“ხელისუფლების მხრიდან ეკლესიისა და პატრიარქის მიმართ გაკეთებული განცხადებები წინასაარჩევნო თვალთმაქცობაა“, - განაცხადა ერქვანიამ.