გია ვოლსკი - ალექსანდრე ერქვანიასგან ასეთ შეფასებას ნამდვილად არ ველოდი, მით უმეტეს, როგორც ვიცი, ღვთისმოსავი კაცია

ალექსანდრე ერქვანიასგან ასეთ შეფასებას ნამდვილად არ მოველოდი, მით უმეტეს, როგორც ვიცი, ღვთისმოსავი კაცია,- ასე ეხმიანება პარლამენტის პირველი ვიცე-სპიკერი გია ვოლსკი უმრავლესობიდან წასულ ალექსანდრე ერქვანიას მიერ პლენარულ სესიაზე გაკეთებულ განცხადებებს.

გია ვოლსკის შეფასებით, ალექსანდრე ერქვანიას ბრალდებები პოლიტიკურად ანგაჟირებულია.

„მე არ მიმაჩნია, რომ ალექსანდრე ერქვანიას წასვლა არის კრიზისი, როგორც თქვენ გინდათ წარმოაჩინოთ რატომღაც, მაგრამ მეორე მხრივ, ადამიანს თავის გადაწყვეტილების მიღების სრული შესაძლებლობა აქვს. თუმცა, მთავარი ეს არ არის, მთავარია ის კომენტარები, რაც მან გააკეთა და ბრალდებები უმრავლესობის მიმართ არათუ უსაფუძვლოა, არამედ, ვფიქრობ, პოლიტიკურად ანგაჟირებულია“, - განაცხადა გია ვოლსკიმ.

დეპუტატმა ალექსანდრე ერქვანიამ პარლამენტის პლენარულ სხდომაზე განაცხადა, რომ ტოვებს როგორც პარტია „ქართულ ოცნებას“, ასევე საპარლამენტო უმრავლესობას. დეპუტატმა ქვეყანაში შექმნილ ეკონომიკურ და სოციალურ პრობლემებზე, ასევე ეკლესიის წინააღმდეგ მიმართულ ბრძოლაზე ისაუბრა.

„ხელისუფლების მხრიდან ეკლესიისა და პატრიარქის მიმართ გაკეთებული განცხადებები წინასაარჩევნო თვალთმაქცობაა.დღესასწაულებზე ტელეკამერების წინ ხელში კელაპტრებით დგომა ფარისევლობაა“, - განაცხადა ერქვანიამ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა