გიორგი ვაშაძე - თუ ბიძინა ივანიშვილი არ მოიქცევა რაციონალურად, ოპოზიციურმა პარტიებმა საერთო ეროვნული წინააღმდეგობა უნდა დავიწყოთ

„ახალი საქართველოს“ ლიდერის გიორგი ვაშაძის განცხადებით, ის სრულად იზიარებს და ემხრობა მშვიდობიან, ყოველგვარი ძალადობის გარეშე მმართველ ორგანოებში ძალაუფლების ცვლილებას, რათა ქვეყანაში განვითარების ახალი ეტაპი დადგეს. ამის შესახებ მან გადაცემა „თავისუფალ ბაზარში“ განაცხადა.

„ჩვენ ყველამ ვნახეთ, რომ საქართველო მიდოდა იქეთ, რომ ქვეყანაში ერთპიროვნული მმართველობა აღარ იქნებოდა. ამ ქვეყნის მთავარი პრობლემა არის ერთი ადამიანი, რომელიც წყვეტს ყველაფერს. არ არსებობს არც ინსტიტუცია, არც პროკურატურა და არც სასამართლო, როგორც ბიძინა ივანიშვილს სურს ყველაფერი ისე ხდება. მე მართლა არ მეგონა თუ საჯაროდ გაცემულ პირობას დაარღვევდა და საზოგადოების თვალში მატყუარას იმიჯს შეიქმნიდა.

სრულად პროპორციული სისტემა არის ერთ-ერთი მნიშვნელოვანი მექანიზმი, რადგან ეს არის კოალიციური მმართველობისკენ სვლა, სადაც არ არის ერთპარტიული ძალაუფლება ერთი ვერტიკალის ქვეშ.

იმ შემთხვევაში თუ ბიძინა ივანიშვილი არ მოიქცევა რაციონალურად, ჩვენ ზუსტად ყველა ოპოზიციურმა პარტიამ საერთო ეროვნული წინააღმდეგობა უნდა დავიწყოთ, რომელიც იქნება ახალი ეტაპი, სადაც მხოლოდ პროპორციულ სისტემაზე არ ვისაუბრებთ. აქ იქნება საუბარი იმაზე, თუ რა კატასტროფულ მდგომარეობაშია ქვეყანა და სრულიად ახალი მექანიზმები უნდა იქნას შემუშავებული.

მინდა, რომ მშვიდობიანად, წყნარად და არაძალადობრივად მოხდეს ხელისუფლებების, ძალაუფლებების ცვლილება, რადგან ახალი ეტაპი დადგეს განვითარების“, - აცხადებს გიორგი ვაშაძე.

ინფორმაციას პარტია „ახალი საქართველოს“ პრესსამსახური ავრცელებს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა