ალჟირში 2 ყოფილ პრემიერ-მინისტრს კორუფციულ გარიგებებში მონაწილეობის გამო პატიმრობა მიესაჯა. ამ ინფორმაციას „ბიბისი“ ავრცელებს. მთავრობის ყოფილი მეთაურები მიმდინარე წლის ივლისში დააკავეს. სასამართლოს გადაწყვეტილებით, აჰმედ ოუიაჰიას 15, ხოლო აბდელმალექ სელალს 12 წლით თავისუფლების აღკვეთა მიესაჯა.
აღსანიშნავია, რომ ეს ალჟირის ისტორიის მანძილზე მთავრობის მეთაურების დაკავების პირველი ფაქტია.
შეგახსენებთ, რომ ალჟირს 20 წლის განმავლობაში აბდელაზიზ ბუტეფლიკა მართავდა. მან თანამდებობა მასობრივი საპროტესტო აქციების ფონზე დატოვა.